ދަނޑުވެރިންނާ ދެކޮޅަށް ބުނި ލާއިންސާނީ ބަސްތަކަށް ޓަކައި ކަންގަނާ ގޮވައިގެން ކޯޓަށް
ދަނޑުވެރީންނާ ގުޅޭ ގާނޫނުތަކަށް ގެނައި ބަދަލުގެ ސަބަބުން އިންޑިއާގައި މިހާރު ހިނގަމުންދާ މުޒާހަރާތަކާ ދެކޮޅަށް ބޮލީވުޑްގެ ބަތަލާ ކަންގަނާ ރަނައުޓް ބުނި ބަސްތަކާއި ވިދިގެން އޭނާއާ ދެކޮޅަށް ކޯޓްގައި ދައުވާ ކޮށްފިއެވެ.
އިންޑިއާގެ ދަނޑުވެރީންނާ ގުޅޭ ގާނޫނަށް ގެނައި ބަދަލުގެ ސަބަބުން އާންމު އަދި އާދައިގެ ދަނޑުވެރީންނަށް އެމީހުން އުފައްދާ ތަކެތި އެކްސްޕޯޓްކުރުމުގެ ފުރުސަތު ހަނި ވެގެން ދެއެވެ. އެކްސްޕޯޓް ކުރުމުގެ ހުއްދަ ލިބެނީ ބޮޑެތި ވިޔަފާރި ވެރީންނަށް ކަމަށާއި އެއީ ދަށް ފަންތީގެ ދަނޑުވެރީންނަށް ލިބޭ މަންފާ ވަރަށް ބޮޑަށް ކުޑަވެގެންދާ ކަމެއް ކަމަށް އިންޑިއާގެ މަސްރަހް ދިރާސާ ކުރާ ފަރާތްތަކުން ބުނެއެވެ، މި ގާނޫނާއި ދެކޮޅަށް އިންޑިއާގެ އެކި ކަންކޮޅު ތަކުގައި ދަނީ ބޮޑެތި މުޒާހަރާތައް ކުރަމުންނެވެ.
މި މުޒާހަރާތަކާ ގުޅޭ ގޮތުން ބޮޑު ވަޒީރު ނަރެންދުރަ މޯދީ މީސްމީޑިއާގައި ބުނީ ވާހަކަކޮޅަކަށް ކަންގަނާ ފާޅު ކުރި ޚިޔާލެއްގައި ބުނީ މުޒާހަރާތަކުގައި ހަރަކާތްތެރިވާ މީހުންނަކީ ޓެރެރިސްޓުން ކަމަށެވެ.
"ބޮޑު ވަޒީރު! ނިދާފައި ތިބިންޏާ ހޭލެއްވިދާނެ ، ނޭނގެއްޏާ ކިޔައިދީ އޮޅުންފިލުވާ ދެވިދާނެ ، އެކަމަކު ނިދާ ކަމަށް ހެދިގެން ނުވަތަ ނޭނގޭ ކަމަށް ހެދިގެން ތިބެންޏާ ހަދާނީ ކިހިނެއް؟ މިއީ ހަމަ ޓެރެރިސްޓުން" ކަންގަނާ ބުނެފައި ވެއެވެ،
މި ބަސްތަކާ ގުޅިގެން ކަންގަނާއާ ދެކޮޅަށް ކޯޓްގައި ދައުވާ އުފުލި ގާނޫނީ ވަކީލު ބުނެފައި ވަނީ ކަންގަނާގެ އެ ބަސްތަކަކީ ދަނޑުވެރީންނަށް އެތައް ގެއްލުމަކާ އަނިޔާއެއް ލިބިދާނެ ބަސްތަކެއް ކަމަށެވެ.
