ކަޅޭ ކިޔާތީ ސުހާނާ ރުޅި ގަދަވެއްޖެ!
ހަމުގެ ކުލަ އަނދިރިކަމަށް ބުނެ ގިނަ ބަޔަކު އެކަމާ ފާޑު ކިޔާތީ ބޮލީވުޑް ސުޕަސްޓާރު ޝާހުރުކް ޚާން ގެ ދަރިފުޅު ސުހާނާ ޚާން އޭނާގެ އިހުސާސްތައް ބަންޑުން ކޮށްލައިފިއެވެ.
އުމުރުން 20 އަހަރުގެ ސުހާނާ އިންސްޓަގްރާމްގައި ކުރި ޕޯސްޓެއްގައި ބުނެފައިވަނީ އޭނާގެ އުމުރުން 12 އަހަރުން ފެށިގެން ހަމުގެ ކުލަ އަނދިރިކަމަށާއި ހަޑި ކަމަށް ބުނެ މީހުން ހަނގާ ކުރާ ކަމަށެވެ. އަދި އޭނާ އަކީ ހަމުގެ ކުލަ މުށި މީހެއް ކަމަށް ގަބޫލު ކުރާ ކަމަށާއި އެކަމުގައި ލަދުގަންނަން ޖެހޭ ކަމެއް ނެތް ކަމަށް ސުހާނާ ވަނީ ބުނެފައެވެ.
ސުހާނާ ވަނީ މީހުންގެ ހަމުގެ ކުލަ އާ ކިޔުން މިހާރު ބޮޑު ކަމަކަށް ވެފައިވާ ކަން ފާހަގަކޮށްފައެވެ. އަދި މިއީ ހަމައެކަނި އޭނާ އަށް ކުރިމަތިވާ ކަމެއް ނޫން ކަން ފާހަގަކޮށް ސުހާނާ މިއީ ހަމުގެ ކުލަ އަނދިރި ކޮންމެ އަންހެން ކުއްޖަކާ ފިރިހެން ކުއްޖަކަށް ވެސް ކުރިމަތިވާ ކަމެއް ކަމަށެވެ.
ސުހާނާ ވަނީ އިންޑިއާގެ ގިނަ މީހުންނަކީ ހަމުގެ ކުލަ މުށި ބައެއް ކަން ފާޙަގަކޮށްފައެވެ. އަދި މެލަނިން އަކީ އެއްވެސް މީހަކަށް ކޮންޓްރޯލް ކުރެވޭނެ ކަމެއް ނޫން ކަމަށް ސުހާނާ ވަނީ ބުނެފައެވެ.
މީގެ އިތުރުން ވެސް މީހަކު ރީތި ވަނީ ހަމައެކަނި އިސްކޮޅުން ދިގުވެފައި ހަމުގެ ކުލަ އަލި ވުމުން ކަމަށް ދެކޭތީ އެކަން ބަދަލު ކުރަން ޖެހޭ ކަމަށާއި ކޮންމެ މީހަކީ ވެސް ރީތި މީހެއް ކަމަށް ސުހާނާ ވަނީ ބުނެފައެވެ.
"އަހަރެންނަކީ އިސްކޮޅުން 5 ފޫޓް 3 އިންޗީގެ "ބްރައުން" އަންހެން ކުއްޖެއް އަހަރެން އެކަމާ އުފާކުރަން" ސުހާނާގެ ޕޯސްޓު ނިންމާލަމުން ބުނެފައިވެއެވެ.
އިންޑް ކަލަރިޒަމް ގެ ހޭޝްޓެގް ބޭނުން ކޮށް ކުރި މި ޕޯސްޓަށް ގިނަ ބައެއްގެ ސަމާލުކަން ލިބުނު އިރު، ސުހާނާ އަށް ފާޑު ކީ މީހުން ވެސް މަދެއް ނޫނެވެ.
އެގޮތުން ސުހާނާގެ ބައްޕަ އަކީ ދޮންވާ ކްރީމް އިޝްތިހާރު ކުރުމުގައި އެންމެ ކުރީގައި އުޅޭ މީހެއް ކަން ފާހަގަކޮށް ފުރަތަމަ އެވާހަކަ ބައްޕަ އަށް ކިޔައިދިނުމަށް ގިނަ ބަޔަކު ވަނީ ބުނެފައެވެ.
ސުހާނާ ދެރަނުވާތީ ،ތިލަދުންމަތި މިއޮތީ ސުހާނާ އެކު- ސުހާނާ ވަރަށްރީތި އާދޭ ފެރީ އިން އިންޑިޔާ ތިލަދުން މައްޗަށް. މިތާގައި އޮތީ ސުހާނާ މަރުހަބާ ކިޔާ ޒުވާނުން