މީރާ އުޅެނީ ޝާހިދު ވަރަށް ބޮޑަށް މިސްވެގެން
ބޮލީވުޑްގެ އެކްޓަރ ޝާހިދު ކަޕޫރާއި އޭނަގެ އަންހެނުން މީރާ ރާޖްޕޫތަކީ ބޮލީވުޑްގެ ޖޯޑުތަކުގެ ތެރެއިން އަބަދުވެސް ވަރަށް ލޯބިން އުޅޭ ދެމަފިރިންކަން އެންމެން ވެސް ފާހަގަ ކުރެއެވެ.
ކޮވިޑްގެ ހާލަތާއި ގުޅިގެން ގިނަ ދުވަސްތަކެއް ވަންދެން ގޭގައި އަންހެނުންނާއި ދަރިންގާތު ހުރުމަށްފަހު މިހާރު ޝާހިދު ވަނީ އޭނަގެ އެންމެ އަަވަހަށް ރިލީޒްވުމަށް ހަމަޖެހިފައިވާ "ޖަރޒީ" ގެ ޝޫޓިންގަށް ދެހްރާދޫނަަށް ގޮސްފައެވެ.
ޝާހިދު ނެތުމުން މީރާ ވަނީ އޭނާމަތިން ވަރަށް "މިސް" ވެގެން، އިންސްޓަގްރާމް މެދުވެރިކޮށް ފިރިމީހާއަށް ޕޯސްޓެއް ޚާއްސަ ކޮށްފައެވެ.
އެޕޯސްޓުގައި މީރާ ބުނެފައި ވަނީ އޭނާ އެންމެ ކުރާ ހިތްވާ ކަމަކީ، އެއްވެސް ކަމެއް ނުކޮށްވިޔަސް ޝާހިދު އާއެކު ހުރުން ކަމުގައެވެ. އަދި ޝާހިދު މިސްވާ ކަމަށް ވެސް މީރާ ބުނެފައިވެއެވެ.
ވަރަށް ފަހުން އެދެމަފިރިން ވަނީ އެމީހުންގެ ހަގު ދަރިފުޅު ޒައިން ކަޕޫރްގެ ދެވަނަ އުފަން ދުވަސް ވެސް ގޭގައި ފާހަގަ ކޮށްފައެވެ.
ޝާހިދު އެންމެ ފަހުން ފެނިފައި ވަނީ "އަރްޖުން ރެޑީ" ގެ ހިންދީ ރީމޭކް ފިލްމުންނެވެ. ދެން އޭނާ އެންމެ އަވަހަށް ފެންނާނީ "ޖަރޒީ" އިން ކަމަށް ރިޕޯޓުތަކުން ބުނެފައިވެއެވެ. މިފިލްމު ނިންމުން ލަސްވީ ކޮވިޑްގެ ހާލަތާއި ގުޅިގެން ކަމަށް ޕްރޮޑިއުސަރުން ވަނީ ބުނެފައެވެ.
Ads by STO
