އިންޑިއާގެ އަންހެނަކު ހޮވި މަހެއް ވިއްކާލައިގެން އެންމެ ދުވަހަކުން މުއްސަންޖަކަށް!

އިންޑިއާގެ ޗަކްޕުލުބުޑި ކިޔާ އަވަށަކަށް ނިސްބަތްވާ އަންހެނަކު އިންޑިއާ ވެސްޓް ބެންގަލް ސްޓޭޓްގައި އޮންނަ ރަށެއް ކަމަށްވާ ސަގަރ އައިލެންޑުން މަހެއް ބާނައި އެންމެ ދުވަހަކުން މުއްސަނދިވެއްޖެއެވެ. މި އަންހެން މީހާ މި މަސް ވިއްކާލާފައިވަނީ 3 ލައްކަ އިންޑިއާ ރުޕީސް އަށެވެ.

Ads by MWSC

މި މަސް އެ އަވަށުގެ މާރުކޭޓެއްގައި ވިއްކާލާފައިވަނީ ކިލޯއެއް 6200 ރުޕީސްގެ ރޭޓުން ކަމަށް ހަބަރު ފަތުރާ މީޑިއާތަކުން ރިޕޯޓް ކުރެއެވެ. ބޭރުގެ މީޑިއާތަކާ ވާހަކަ ދައްކަމުން މި އަންހެން މީހާ ބުނެފައި ވަނީ އެމަހަކީ އޭނާއަށް ލިބުނު ނަސީބެއް ކަމުގައެވެ. އެގޮތުން ހޯލްސޭލްކޮށް ކިލޯއެއް 6200 ރުޕީސްއަށް ވިއްކާލާ މުޅިއަކު 3 ލައްކަ އިންޑިއާ ރުޕީސް އޭނާއަށް ވަނީ ލިބިފައެެވެ.

އޭނާގެ މުޅި އުމުރުގައިވެސް އެވަރުގެ ބޮޑު މަހެއް ނުފެންނަ ކަމުގައި އޭނާ ބުންޏެވެ. އެ މަސް އޭނާއަށް ފެނުނީ މަރުވެފައި އޮއްވާ ކަމަށް ރިޕޯޓްތައް ބުނެއެވެ. އަދި އެ މަސް އޮޔާ ދަނިކޮށް ފެނުމުން އެ މަސް އޭނާ ނެގުމަށް އޭނާ ކޯރު ތެރެއަށް ފުންމާލާ އެ މަސް ނެގިއެވެ.

52 ކިލޯ ހުރި މި މަސް ތާޒާކޮށް އޮތް ނަމަ މިއަށް ވުރެ މާ އަގުބޮޑުކޮށް ވިއްކާލެވުނީސް ކަމަށް އިންޑިއާގެ މީޑިއާތައް ބުނެއެވެ.