އައްޑޫ ޒުވާނުން މަސްތުވާތަކެތީގެ ވަބާއިން ސަލާމަތް ކުރުމަށް އެންމެން ގުޅިގެން މަސައްކަތް ކުރަން ޖެހޭ: ރޮޒައިނާ
އައްޑު އަތޮޅުގެ ޒުވާނުން މަސްތުވާތަކެތީގެ ވަބާއިން ސަލާމަތް ކުރުމަށް ހުރިހާ އެންމެން ގުޅިގެން މަސައްކަތް ކުރަން ޖެހޭ ކަމަށް އައްޑޫ ސިޓީ މީދޫ ދާއިރާގެ މެމްބަރު ރޮޒައިނާ އާދަމްް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ އައްޑޫގައި ހިންގި ޑްރަގް އޮޕަރޭޝަންގައި މިހާތަނަށް ގާތްގަނޑަކަށް 80 ކިލޯގެ މަސްތުވާ ތަކެތި ފެނިފައިވާ ކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވުމުން ދައުލަތުގެ މީޑިއާ އިން ޝާއިއުކުރި ޚަބަރެއް ހިއްސާ ކުރައްވާފައެވެ.
ރޮޒައިނާ ވިދާޅުވީ އައްޑު އަތޮޅުގެ ޒުވާނުން މަސްތުވާތަކެތީގެ ވަބާއިން ސަލާމަތް ކޮށް ޒުވާނުން ހަރުދަނާ ބަޔަކަށް ހެދުމަށްޓަކައި ހުރިހާ އެންމެން ވެސް ގުޅިގެން މަސައްކަތް ކުރަން ޖެހޭ ކަމަށެވެ.
ރޮޒައިނާ ވަނީ އެ އޮޕަރޭޝަން ކާމިޔާބުވުމުން ފުލުހުންނަށް މަރުހަބާ ކިޔާފައެވެ. އަދި މަސްތުވާތަކެތީގެ ވަބާއަށް ހައްލެއް ލިބެންދެން މިފަދަ އޮޕަރޭޝަންތައް ކުރިއަށް ގެންގޮސް، ޑްރަގް ވިޔަފާރި ހުއްޓުމަކަށް ގެނެސް ދެއްވުމަށް ރޮޒައިނާ ވަނީ އެދިވަޑައިގެންފައެވެ.
Ads by STO
