ފޮނަދޫ މަގުތަކުގައި ތާރު އަޅަން މި މަހު ފަށާނެ: އެމްޓީސީސީ

ލ. އަތޮޅު ފޮނަދޫގެ މަގު ހެދުމުގެ މަޝްރޫޢުގެ ތެރެއިން މަގުތަކުގައި ތާރުއެޅުމުގެ މަސައްކަތް މިމަހު ފަށާނެ ކަމަށް އެމް.ޓީ.ސީ.ސީން ބުނެފިއެވެ.

Ads by MWSC

މި މަޝްރޫޢުގެ ބޮޑުބައެއް މިހާރު ނިމިފައިވާކަން ފާހަގަކޮށް އެމްޓީސީސީން ބުނީ މި މަހުގެ ތެރޭގައި މަގުތަކުގައި ތާރު އަޅަން ފަށައި އެ މަސައްކަތް ކުރިއަށް ދާނެ ކަމަށެވެ.

އަދި މިހާރު ކުރިއަށްދަނީ މަގުތަކުގައި ތާރުއެޅުމުގެ ކުރިން އޭ.ބީ.ސީ ލޭޔަރ އެޅުމުގެ މަސައްކަތް ކަމަށް އެމްޓީސީސީން ހާމަކުރިއެވެ.

މި މަޝްރޫޢުގެ ދަށުން ފޮނަދޫގެ 12 މަގެއްގައި 27,848 އަކަ މީޓަރު ތާރު އެޅުމަށް ވަނީ ހަމަޖެހިފައެވެ. މިއީ 3.5 ކިލޯ މީޓަރު ސަރަހައްދެކެވެ.

އެމްޓީސީސީއާ މި މަޝްރޫއު ހަވާލުކޮށްފައި ވަނީ 25.5 މިލިއަން ރުފިޔާ އަށެވެ. މި މަޝްރޫޢުގެ އަމަލީ މަސައްކަތް ފަށާފައިވަނީ 2019 ޖޫން 26 ގައެވެ.