ސަރުކާރަށް ލަފާދޭން އެކުލަވާލާ 3 ކޮމެޓީއަކަށް މެންބަރުން ހޯދަނީ

ސަރުކާރަށް ބޭނުންވާ ފަންނީ ލަފަޔާއި މަޝްވަރާ ދިނުމަށް އެކުލަވާލާ 3 ކޮމެޓީއަކަށް މެންބަރުން ހޯދަން ރައީސް އޮފީހުން ހުޅުވާލައިފިއެވެ.

Ads by STELCO

ރައީސް އޮފީހުން ރޭ ކުރި އިލާނެއްގައި ބުނީ 3 ދާއިރާއަކުން އެކުލަވާލާ ކޮމެޓީތަކަށް މެންބަރުން ބޭނުންވާ ކަމަށެވެ.

• ފަތުރުވެރިކަމުގެ ސިނާއަތް ދެމެހެއްޓެނިވި ގޮތެއްގައި ތަރައްގީކޮށް ކުރިއެރުވުމަށް - ޓޫރިޒަމް ސެކްޓާ އެޑްވައިޒަރީ ކޮމެޓީ
• އިމާރާތް ކުރުމުގެ ސިނާއަތް ދެމެހެއްޓެނިވި ގޮތެއްގައި ތަރައްގީކޮށް ކުރިއެރުވުމަށް - ކޮންސްޓްރަކްޝަން ސެންޓާ އެޑްވައިޒަރީ ކޮމެޓީ
• މަސްވެރިކަމާއި މެރިކަލްޗާގެ ސިނާއަތް ދެމެހެއްޓެނިވި ގޮތެއްގައި ތަރައްގީކޮށް ކުރިއެރުވުމަށް - ފިޝަރީޒް ސެންޓާ އެޑްވައިޒަރީ ކޮމެޓީ

ރައީސް އޮފީހުން ބުނީ މި ކޮމެޓީތަކުގެ މެންބަރު ކަމަށް ކުރިމަތިލުމުގެ ސުންގަޑިއަކީ މިމަހުގެ 16 ވަނަ ދުވަހުގެ މެންދުރު 12:00 ކަމަށެވެ. މިކަމަށް ބޭނުންވާ ފޯމު ރައީސް އޮފީހުން އަދި ވެބްސައިޓުން ޑައުލޯޑް ކުރެވޭނެ ކަމަށްވެސް ބުންޏެވެ.