އެމްޑީޕީ ދެފަޅިވެގެން ކުރެވޭ ހޫނު ބަހުސުން ރައްޔިތުންނަށް ވާ ފައިދާއެއް ނެތް: ސައީދު
ރާއްޖޭގެ ވެރިކަން ކުރާ މައި ޕާޓީ އެމްޑީޕީ "ދެފަޅިވެގެން" ކުރެވޭ ބަހުސުން ރައްޔިތުންނަށް ވާ ފައިދާއެއް ނެތް ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުޙައްމަދު ސައީދު ވިދާޅުވެއްޖެއެވެ.
މިއަދު ކުރިއަށް ދިޔަ މަޖިލިސް ޖަލްސާގައި ވިލުފުށީ ދާއިރާގެ މެންބަރު ޙަސަން އަފީފު ހުށަހެޅުއްވި "ބިނާވެށި ޕްލޭން ކުރުމުގެ" ބިލަށް ބަހުސް ކުރައްވަމުން މެންބަރު ސައީދު ވިދާޅުވީ އެބިލުގައި ވެސް ބޯޑެއް އެކުލަވާލަން އެބައޮތް ކަމަށެވެ. އަދި އޭގެ ސަބަބުން ދައުލަތުގެ ޚަރަދުތައް އިންތިހާއަށް ބޮޑުވެގެން ދާނެކަން ވެސް ސައީދު ފާހަގަ ކުރެއްވިއެވެ.
"މެންބަރުން ވާހަކަ ދެއްކީ ދިވެހި ރާއްޖޭގެ އެންމެ ބޮޑު އެއް ސިނާޢަތް ކަމަށް ވާތީ މަސްވެރިކަމަކީ. އެދުވަހު ވެސް މިތާ އެތެރޭގައި މަޖިލީހުގެ ތަޅުމުގައި އެއް މެންބަރު ދެއްކީ އެޖެންޑާ 19 ޖަހާފައިވާ ރީނދޫ ކުލައިގެ ގަނޑެެއް. އަނެއްކޮޅުން ސަރުކާރު ބިލެކޭ ބުނޭ. މިއަދު އަޅުގަނޑުމެންނަށް އެނގި ހާމަވެގެން މިދަނީ މިތާ އެތެރޭގައި އެމްޑީޕީ ދެފަޅިއަކަށް ބެހިގެން މިގެންދާ ބަހުސްގައި ރައްޔިތުންނަށްވާ ފައިދާއަކީ ކޮބައިތޯ. ދެ ފެކްޝަނެއް ހެދިގެން މިތާ އެތެރޭގައި މިބަހުސް ދިޔައިމަ، މަޖިލިހުގެ ތަޅުން ހުއްޓާލަން ޖެހޭ ހިސާބަށް ދިޔުމަކީ އަޅުގަނޑު ޤަބޫލުކުރާ ގޮތުގައި ލަދުވެތިކަމެއް" ސައީދު ވިދާޅުވިއެވެ.
Ads by STO
