ގުރައިދޫގެ ގެއެއް އެއްކޮށް އަނދާ ހުލިވެއްޖެ
ތ.ގުރައިދޫގެ ގެއެއްގައި އަލިފާން ރޯވެ އެގޭގައި ހުރި އެއްވެސް އެއްޗެއް ބޭނުން ނުކުރެވޭ ވަރަށް އަނދާ ހުލިވެއްޖެއެވެ.
"ދެން" އަށް މައުލޫމާތު ދެއްވަމުން ތ.ގުރައިދޫ ކައުންސިލް އިދާރާގެ ނައިބު ރައީސް ތައުފީޤް އަލީ ވިދާޅުވީ ގުރައިދޫގެ ގެއެއްގައި އަލިފާން ރޯވެފައި ވަނީ މިއަދު ހެނދުނު 11:45 ހާއިރު ކަމަށެވެ. އަދި ރައްޔިތުންނާއި ފުލުހުން ގުޅިގެން ކުރި މަސައްކަތުން މިހާރު އެގޭގައި ރޯވި އަލިފާންގަނޑު މިހާރު ނިއްވާލެވިފައިވާ ކަމަށް ތައުފީޤް ވިދާޅުވިއެވެ.
އަލިފާންގަނޑު ނިއްވާލެވުނު ނަމަވެސް އެގޭގައި ހުރި ހުރިހާ އެއްޗެއް ވަނީ އަނދާ ހުލިވެފައިކަމަށް ތަައުފީޤް ވިދާޅުވިއެވެ. އެހެން ނަމަވެސް މިހާދިސާގައި އެއްވެސް މީހަކަށް ގެއްލުން ނުވާ ކަމަށް ތައުފީޤް ވިދާޅުވިއެވެ.
އެގޭގައި ދިރިއުޅެމުން ދިޔަ މީހުން ތިބީ މިހާރު އެމީހުންގެ ތިމާގެ މީހެއްގެ ގޭގައި ކަމަށް ތައުފީޤް ވިދާޅުވިއެވެ. އަދި ކައުންސިލްގެ ފަރާތުން އެމީހުންނަށް މިރޭ ތިބޭނެ ތަނެއްގެ އިންތިޒާމު ހަމަޖެއްސުމަށް މަސައްކަތް ކުރަމުން ގެންދާ ކަމުގައި އޭނާ ވިދާޅުވިއެވެެ.
އަލިފާން ރޯވާން ދިމާވި ސަބަބ ކޮބާ؟؟؟؟؟؟