މި ސަރުކާރަށް މިވަނީ ކުރީ ސަރުކާރުތަކުގެ ދަރަނި ދައްކަން ޖެހިފައި: ރައީސް ނަޝީދު
ކުރީ ސަރުކާރުތަކުން ނަގާފައިވާ ލޯނުތައް، ރައީސް އިބްރާހިމް މުހައްމަދު ސޯލިހުގެ ސަރުކާރުން ދައްކަން ޖެހިފައިވާ ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ދަރަނި ނެގުމުގައި އޮތް އެންމެ ބޮޑު ނުރައްކަލަކީ ދަރަނި އަނބުރާ ދައްކަން ޖެހުމުގައި އާމްދަނީ ނެތުން ކަން ފާހަގަކުރައްވައި، ރައީސް ނަޝީދު މިއަދު ކުރެއްްވި ޓްވީޓެއްގައި ވިދާޅުވީ ކުރީ ސަރުކާރުތަކުން ނަގާފައިވާ ލޯނުތަކުގެ ގްރޭސް ޕީރިއަޑް ހަމަވެ، ލޯނުތައް ދައްކަން ޖެހިފައި މިވަނީ އިބްރާހިމް މުހައްމަދު ސޯލިހުގެ ސަރުކާރަށް ކަމަށެވެ.
"2012 ވަނަ އަހަރާއި 2018 އާއި ދެމެދު ސަރުކާރުން ނަންގަވާފައިވާ ގިނަ ދަރަނި ތަކުގެ ގްރޭސް ޕީރިއަޑް ހަމަވެ، ދައްކަން މިޖެހޭނީ ރައީސް އިބްރާހިމް މުހައްމަދު ސޯލިހުގެ ސަރުކާރަށް. އަދި މި ވަގުތު ސަރުކާރުގެ އާމްދަނީ އެކީހެން ނެތިފަ" ނަޝީދުގެ ޓްވީޓުގައި ވިދާޅުވިއެވެ.
ނަޝީދު އިތުރަށް ވިދާޅުވީ މި ދަރަނިތައް އެންމެ ގިނައިން ދައްކަން ޖެހޭނީ 2021 ވަނަ އަހަރާއި 2023 އަހަރާ ދެމެދުގައި ކަމަށެވެ.
އަދި މިއަދުގެ ހާލަތުގައި އެންމެ ބުއްދިވެރި ގޮތަކީ ދަރާފައިވާ ދަރަނިތައް އިތުރު ޖޫރިމަނާ އަކާ ނުލާ ބިނާ ކުރުން ކަމުގައި ދެކިވަޑައިގަންނަވާ ކަމުގައި ރައީސް ނަޝީދު ވިދާޅުވިއެވެ.
