ޗައިނާގައި، ގަނޑުކޮށްފައިހުރި ޕެކްޓުތަކެއްގެ ބޭރުން ދިރިހުރި ކޮވިޑު-19 ވައިރަސް ތަކެއް!
ޗައިނާގައި ގަނޑުކޮށްފައި ހުރި ރޯމަސް ޕެކެޓުތަކެއްގެ ބޭރުން ދިރިހުރި ކޮރޯނާ ވައިރަސް ތަކެއް ފެނިއްޖެ ކަމަށް ޗައިނާ ގެ ހެލްތު އޮތޯރިޓީން ބުނެފިއެވެ.
މިއީ މިގޮތަށް ދިރޭ ވައިރަސްތަކެއް ކާނާ ބަންދުކޮށްފައިވާ ޕަކެޓުތަކެއްގެ ބޭރުން ފެނުނު ފުރަތަމަ ފަހަރުކަމަށް ޗައިނާ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން މިދިޔަ ހޮނިހިރު ދުވަހު ވަނީ ބުނެފައެވެ.
ޗައިނާގެ އަވަށެއް ކަމަށްވާ ކިންގްދާއޯ އަކީ ޗައިނާއިން އެންމެ ފުރަތަމަ ކޮވިޑު-19 ގެ ކޭސްތައް ފެނުނު އެއް ހިސާބެވެ. އެހެންކަމުން އެތަނުގައި ދިރިއުޅޭ އެތައް ބަޔަކު މި ވައިރަހަށް ފައްސިވެފައި ވޭތޯ ބެލުމަށް ވަނީ ޓެސްޓު ކޮށްފައެވެ. އެހެން ނަމަވެސް އެއްވެސް އައު ކޭހެއް ފެނިފައި ނުވާކަމަށް ވެސް ޗައިނާގެ ލޯކަލް އޮތޯރިޓިން ވަނީ ބުނެފައެވެ.
މިދިޔަ ޖުލައި މަހުގައި ޗައިނާއިން މިގޮތަށް އެތެރެ ކުރި ޕަކެޓުތަކެއްގެ އެތެރެއިން މި ވައިރަސް ފެނުމުން ވަނީ ސަސްޕެންޑު ކޮށްފައެވެ. އެހެންނަމަވެސް މިފަހަރު ފެނިފައި ވަނީ މިގޮތަށް ބަންދު ކޮށްފައިވާ ޕަކެޓުތަކެއްގެ ބޭރުންނެވެ. އަދި މިއީ މިގޮތަށް ބަންދު ކޮށްފައިވާ ޕަކެޓު ތަކެެެއްގެ ބޭރުން މި ވައިރަސް ފެނުނު ފުރަތަމަ ފަހަރުކަމަށް ވެސް ސީޑީސީއިން ވަނީ ފާހަގަ ކޮށްފައެވެ.
