ކުޅިވަރާ ބެހޭ ގާނޫނަށް ބޮޑެތި ބަދަލުތަކެއް
ކުޅިވަރާ ބެހޭ ގާނޫނަށް ގިނަ އިސްލާހުތަކެއް އެމްޑީޕީގެ ޗެއާޕަސަން އަދި ހެންވޭރު ހުޅަނގު ދާއިރާގެ މަޖިލިސް މެންބަރު ހަސަން ލަތީފް ހުށަހަޅުއްވައިފި އެވެ.
މިކަމާ ގުޅިގެން ހަސަން ލަތީފު ކުރެއްވި ޓުވީޓެއްގައި ވިދާޅުވެފައިވަނީ، ކުޅިވަރުގެ ގާނޫނަށް އިސްލާޙް ހުށަހަޅައިފައި ވާނެ ކަމަށާއި، އެއިސްލާހުގެ ސަބަބުން ކުޅިވަރު ކުޅޭ ކުޅުންތެރިންނަށާއި، ކުޅިވަރު ހިންގެވުމުގެ ތަޖުރިބާކާރުންގެ ދުވަސްވީ ކަންބޮޑުވުންތަކަށް ބޮޑު ލުއި ތަކެއް ލިބިގެން ދާނެ ކަމަށެވެ.
އަދި މި އިސްލާހުގެ މަޤްސަދަކީ ރާއްޖޭޣެ ކުޅިވަރާ ބެހޭ މުއައްސަސާތަކަށް ހުރި ފުށުއެރުންތައް ނައްތާލުމުގެ އިތުރުން އެ މުއައްސަސާތައް ދެފުށް ފެންނަ ނިޒާމެއްގެ ތެރެއިން ހިންގޭނެ ނިޒާމެއް ގާއިމުކޮށް، މުއައްސަސާތައް ޑިމޮކްރަޓައިޒް ކުރުން ކަމަށް ހަސަން ލަތީފު ވިދާޅުވެފައި ވެއެވެ.
މީގެ އިތުރުން ކުޅިވަރު އެސޯސިއޭޝަން ތަކުގެ އިންތިޚާބާ ގުޅޭގޮތުން އިސްލާހެއް ހުށަހަޅުއްވާފައިވާއިރު، އެކަމާ ގުޅޭގޮތުން ހަސަން ލަތީފު ވިދާޅުވަނީ، ކުޅިވަރުގެ އިންތިޚާބުތަކަކީ ދެފުށް ފެންނަ އަދި އިތުބާރު ކުރެވޭ ނިޒާމެއްގެ ތެރެއިން ހިންގޭ އިންތިޚާބުތަކެއް ގޮތުގައި ހެދުމާއި، ކުޅިވަރާ ބެހޭ ވުޒާރާތަކުގެ މަސްއޫލިއްޔަތުތަކާއި ބާރުތައް ކަނޑައެޅުމަކީވެސް އެ އިސްލާހުތަކުގެ ބޭނުމެއް ކަމަށެވެ.
ކުޅިވަރާ ބެހޭ ގާނޫނެއް ވުޖޫދު ވެގެން އައިސްފައި ވަނީ 2015 ވަނަ އަހަރުއެވެ.
