މިދުވަސް މަތިން ފްރާންސް މިހާރު ހަނދާން ނެތުނީބާ؟
ފްރާންސް ގައި މިހާދިސާ ހިނގިފަހުން އަދި އެހާ ގިނަ ދުވަހެއް ނުވެއެވެ.
މިމަހުގެ 3 ވީ ހޮނިހިރު ދުވަހު ނޫސްތަކުގެ ފަލަ ސުރުޙީތަކަށް އެރި އެއް ޚަބަރަކީ ފްރާންސް އަށް ކުރަމުންދިޔަ ވިއްސާރައިގެ ސަބަބުން ބޯކޮށް ވާރޭވެހި މަގުތަކުގައި ފެން ބޮޑުވި ޚަބަރެވެ.
ފްރާންސަށް ކުރަމުންދިޔަ ވިއްސާރައިގެ ނުރައްކާތެރިކަން ހަމައެކަނި ވެހުނު ވާރޭ ފެންފޮދަކުން ނުނިމެއެވެ. ރިޕޯޓުތަކުން ބުނެފައިވާ ގޮތުގައި އެދުވަހު އެކަނި އެޤައުމަށް މުޅި އަހަރު ދުވަހު ވެހުނު ވަރަށް ވާރޭ ވެހިފައިވެއެވެ.
އޭގެ ކުރީ ރޭގައި ފްރާންސަށް ކުރިމަތިވި އެތޫފާނުގައި އެޤައުމުގެ އެތައް އިމާރާތެއް ވެއްޓި، އެތައް ބަޔަކު އިމާރާތުގެ ގާތަކު ދަށުވެ، އެއް ބަޔަކު ފެން ގަނޑު ތެރޭގައި ގެއްލިގެން ދިޔައެވެ. އަދި ހަ ވަރަކަށް މީހުން އެވިއްސާރައިގައި މަރުވެގެން ވެސް ދިޔައެވެ.
ނަމަވެސް މިއަދު ފްރާންސުން އެހަނދާނެއް ނެތެވެ. އެޤައުމުގެ ރައީސް އެމަނުއެލް މެކްރޯން އަޅުގަނޑުމެންގެ ނަބިއްޔާ (ޞޢޥ) އަށް ފުރައްސާރަކުރިއިރު، ދެން ވެސް މިފަދަ ދުވަހެއް ދައްކަވާފާނެ ކަމަކަށް ކުޑަވެސް ޖެހިލުމެއް ނުވެއެވެ.
ރަސޫލާ (ޞޢޥ) އަށް ފުރައްސާރަ ކުރި އެއްްވެސް މީހަކަށް ނުވަތަ ޤައުމަކަށް ވެސް އަދި މިހާތަނަށް އެކަމަކުން ސަލާމަތް ވެވިފައި ނުވާކަން ތާރީޚުން ވެސް ދައްކައެވެ. ވީއިރު ފްރާންސް އަދިވެސް އެކަމާއި ބިރުނުގަނެ މިއުޅެނީ ކީއްވެ ހެއްޔެވެ؟
ރައީސް މެކްރޯންގެ ވާހަކަތަކަށްފަހު ފްރާންސުން ގެންދަނީ މުސްލިމުންނަށް އެތައް ދުއްތުރާތަކެއް ކުރަމުންނެވެ. އެގޮތުން ޗާލީ ހެބްޑޯ، އަޅުގަނޑުމެންގެ ރަސޫލާ (ޞޢޥ) އަށް ފުރައްސާރަކޮށް ކާޓޫނު ކުރަހާފައިވާއިރު، އެޤައުމުގެ ބައެއް މުސްލިމުން އަންހެނުންގެ ހިޖާބު ބާލުވަން އުޅުމާއި، މުސްލިމުންނާއި ބެހޭގޮތުން ދޮގު ވާހަކަ ފެތުރުން ވެސް ހިމެނެއެވެ.
Ads by STO
