ނަރުދޫގައި އޮތީ ކޮމިއުނިޓީ ސްޕްރެޑެއް: ޑރ. އަފްޒަލް
ށ. ނަރުދޫގައި އުޅެނީ ކޮމިއުނިޓީ ސްޕްރެޑެއް ކަމަށް ޑރ. އިބްރާހިމް އަފްޒަލް ވިދާޅުވެއްޖެއެވެ.
މިމަހުގެ 15ވަނަ ދުވަހު މާލެއިން ފުރައިގެން އުތުރުގެ ރަށްތަކަށް ދަތުރުކުރި "އަމާޒު" ބޯޓުގެ ކެޕްޓަން ކޮވިޑަށް ފައްސިވުމާ ގުޅިގެން މިހާތަނަށް ޕްރައިމަރީ ކޮންޓެކްޓްވި 113 މީހުންގެ ތެރެއިން 9 މީހަކު ވަނީ ފައްސިވެފައެވެ.
މިރޭގެ ނޫސްވެރިންގެ ބައްދަލު ވުމުގައި ވާހަކަ ދައްކަވަމުން ޑރ. އަފްޒަލް ވިދާޅުވީ ނަރުދޫ އިން ކޮވިޑް-19 ގެ ގިނަ ކޭސްތަކެއް ފެނި މިހާރު އެރަށުގައި ކޮމިއުނިޓީ ޓްރާންސް މިޝަނެއް ފެންނަ ކަމަށާއި އެހެން ނަމަވެސް އެއީ ކިހިނެއް ދިޔަ ކޮމިއުނިޓީ ޓްރާންސް މިޝަނެއްކަން އެނގޭ ކަމަށެވެ.
ނަރުދޫ އިން އެންމެ ފުރަތަމަ ކޮވިޑް-19 އަށް ފައްސިވީ އަމާޒު ބޯޓުގެ ކެޕްޓަނެވެ. ކެޕްޓަނާއި އެކު އެ ރަށުން އިތުރު ހަތް މީހަކު ބައްޔަށް ފައްސި ވެފައި ވާއިރު، އެ ބޯޓުން ދަތުރު ކުރި ށ. މިލަންދޫ އަށް ނިސްބަތްވާ މީހަކު ވެސް ވަނީ ކޮވިޑް-19 އަށް ފައްސި ވެފައެވެ.
ނަރުދޫއިން ބޯޓުގެ ކެޕްޓަން ގެ އިތުރުން ފައްސިވި މީހުންގެ ތެރޭގައި އޭނާގެ އާއިލާގެ ހަތަރު މީހުންނާއި ބޯޓުގެ ފަޅުވެރިން ހިމެނެ އެވެ.
