ރާއްޖެއިން ފައްސިވި މީހުންގެ ތެރޭގައި 12 އަހަރުން ދަށުގެ 33 ކުޑަކުދިން ހިމެނޭ!
ރާއްޖެއިން ކޮވިޑް-19އަށް ފައްސިވި 250 މީހުންގެ ތެރޭގައި 12 އަހަރުން ދަށުގެ 33 ކުޑަކުދިން ހިމެނޭކަމަށް ޑރ. އިބްރާހީމް އަފްޒަލް ވިދާޅުވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ ރާއްޖެއިން ފައްސިވި މީހުންގެ އުމުރުފުރާއަށް ބަލާއިރު، އެންމެ ގިނަބަޔަކަށް ބަލި ޖެހިފައިވަނީ 12 އަހަރާއި 40 އަހަރާއި ދެމެދުގެ ޢުމުރުފުރާއިންކަމަށެވެ. މި ޢުމުރުފުރާއިން 144 މީހަކަށްވަނީ ބަލިޖެހިފައެވެ.
މިބަލީގައި އެންމެ ރިސްކު ބޮޑުކަމަށް ބެލެވޭ ޢުމުރުން ދުވަސްވީ މީހުންގެ ތެރެއިން ބައްޔަށް މިހާތަނަށް ފައްސިވެގެން ފަރުވާދެމުންދަނީ 2 މީހަކަށެވެ.
އަދި އެންމެ ތުއްތު ޢުމުރުގެ ގޮތުގައި ބަލާ 12 އަހަރުން ދަށުގެ 35 ކުއްޖަކު ފައްސިވެގެން ފަރުވާދެމުންދާކަމަށް މިރޭގެ ޕްރެސް ކޮންފަރެންސްގައި ޑރ.އިބްރާހިމް އަފްޒަލް ވިދާޅުވިއެވެ.
އަފްޒަލް ވިދާޅުވީ މިހާތަނަށް ބަލިޖެހިފައިވާ އެންމެގެވެސް ހާލު ރަނގަޅުކަމަށެވެ. އަދި އައިޖީއެމް ހޮސްޕިޓަލުގައި ފަރުވާދެމުންދާ އެންމެންގެ ޙާލުވެސް ރަނގަޅުކަމަށެވެ.
Ads by STO
