ރާއްޖޭގައި އަދިވެސް އެންމެ ގިނަ މީހުން ވަަންނަނީ ބަރަހަނާ ވެބްސައިޓް ތަކަށް، ލަދު ގަންނަން ޖެހޭ!

އަޅުގަނޑުމެންގެ ރާއްޖޭގެ މި ކުޑަކުޑަ މުޖުތަމައުގައި އަދިވެސް އެންމެ ގިނަ މީހުން ވަންނަ ވެބްސައިޓް ތަކަކީ ބަރަހަނާ ވެބްސައިޓްތައްކަން ހާމަ ވެއްޖެއެވެ.

Ads by Sosun Fihaara

ވެބްސައިޓްތައް ރޭންކު ކުރާ ސައިޓެއް ކަމަށްވާ ސިމިލާވެބުން މިއަދު ނެރުނު ތަފާސް ހިސާބުތަކުން ދައްކާ ގޮތުގައި ރާއްޖޭގައި އެންމެ ގިނަ ބަޔަކު ވަންނަ އެންމެ ގިނަ 15 ވެބްސައިޓްގެ ތެރޭގައިވެސް ގިނައީ ބަރަހަނާ ސައިޓް ތަކެވެ. މިގޮތުން، މި ސައިޓްތަކަށް ދުވާލަކު އެތައް ލައްކަ މީހުންނެއް ވަންނަމުން ދާކަމީ ފެންނަން އޮތް ހަގީގަތެވެ.

މިފަދަ ކަންކަމަކީ އަޅުގަނޑުމެން ސައްތައިންސައްތަ މުސްލިމް ގައުމަކަށް ވާ ހިނދު ހިތާމަ ކުރަން ޖެހޭ ކަމެކެވެ. މިއީ ގިނަ ބެލެނިވެރިންނެއްގެ ވެސް ކަންބޮޑުވުމެކެވެ. ހެދިބޮޑުވަމުން އަންނަ ޒުވާން ކުދިން، ބަރަހަނާ ސައިޓްތަކަށް ވަރަށް ގިނައިން ވަންނަމުންދާ ކަމީ ހިތި ހަގީގަތެވެ.

ބަރަހަނާ ސައިޓްތަކަށް ވަނުމަކީ ދެވިހިފާކަމެއް ކަމުގައި ސައިންސްވެރިންގެ ދިރާސާތަކުން ސާބިތުވެފައިވެއެވެ.  އޭގެ ސަބަބުން ސިކުނޑިއަށް ނޭދެވޭ އަސަރުކޮށް ސިކުނޑީގެ ސެލްތަކަށް އަސަރު ކުރާ ކަމެއް ކަމަށް ސައިންސްވެރީން ހާމަކޮށްފައިވެއެވެ.

ރާއްޖޭގައި މި ފަަހަކަށް އައިސް މިފަދަ ބަދުއަޚްލާގީ ލަދުވެތި އަމަލުތައް ގިނަ ވަމުންދާ ކަމީ ހިތާމަކުރަން ޖެހޭ ކަމެކެވެ. އެއްޖިންސުން ގުޅުން ހިންގުމާއި ބަރަހަނާ ވީޑިއޯތައް ބެލުން މިއަދު އަޅުގަނޑުމެންގެ މުޖުތަމައުގައި މިވަނީ އާންމު ކަމަކަށް ވެފައެވެ. މި ކަންކަމަކީ މާ ބޮޑެތި ކަންކަމުގެ ގޮތުގައި މިއަދު މުޖުތަމައުން ނުދެކޭކަމީ ލަދުގަންނަން ޖެހޭ ކަމެކެވެ.

އަޅުގަނޑުމެން އެކަނިހުރެ ބަރަހަނާ ވެބްސައިޓްތައް ބަލާކަން މީސްތަކުންނަށް ސިއްރު ކުރެވިދާނެއެވެ. އެހެންނަމަވެސް ހުރިހާ ކަމެއް މޮޅަށް ދެނެވޮޑިގެންވާ ގަދަކީރިތިވަންތަ މާތްﷲ އަށް އެއްވެސް ކަމެއް ސިއްރު ނުކުރެވޭނެކަަމާމެދު ވިސްނާލަމާ ހެއްޔެވެ.

ހިތާމަ ހުއްޓެވެ. ލަދުވެތިކަން ހުއްޓެވެ. ﷲ ދެއްވި ރިޒުޤުން ކައިބޮއެގެން އެއިލާހުގެ ރިޒުޤުން ވަޞީލަތްތައް ހޯދައިގެން މި ކުރެވެނީ ކިހާބޮޑު ފާފައެއްތޯއެވެ. ސިއްރުން ބަރަހަނާ މަންޒަރު ބަލާއިރު ޢަމަލުތަކުގެ ފަތްތަކުގައި އެކަން ލިޔުއްވަމުންދާ ކަމާއި މެދު ޣާފިލް ވަނީތޯއެވެ.