ލިވަރޕޫލްގެ ތަރި މުހައްމަދު ޞަލާހް ކޮވިޑް-19އަށް ފައްސި ވެއްޖެ
މިސްރުގެ މަޝްހޫރު ފުޓްބޯޅަ ކުޅުންތެރިޔާ މުހައްމަދު ޞަލާހް ކޮވިޑް-19 އަށް ފައްސިވެއްޖެއެެވެ.
ސަލާހް ކޮވިޑް-19އަށް ފައްސިވީ ޓޯގޯއާ މިސްރާ ބައްދަލު ކުރާ މެޗުގެ ކުރިން ހެދި ޓެސްޓުންނެވެ. ސަލާހް ކޮވިޑް-19އަށް ފައްސިވެފައިވާ ކަން މިސްރުގެ ފުޓްބޯޅަ އެސޯސިއޭޝަނުން ވަނީ ޔަގީން ކޮށްދީފައެވެ.
ކޮވިޑް-19އަށް ސަލާހް ފައްސިވުމާއެކު ކުރިއަށް ހުރި ގިނަ މެޗުތަކެއް އޭނާއަށް ގެއްލޭނެއެވެ. އެގޮތުން ލިވަރޕޫލްގެ ބައެއް މެޗްތަކާއި ކުރިއަށް އޮތް އިންޓަނޭޝަނަލް ބްރޭކްގައި މިސްރު ކުޅޭ މެޗްތަކުގައި ވެސް އޭނާ ފެނިގެން ނުދާނެއެވެ. މިސްރުގެ ކުޅުންތެރިން ހެދި ޓެސްޓުތަކުގެ ތެރެއިން ހަމަ އެކަނި ޕޮސިޓިވް ވީ ޞަލާހް އެވެ.
17 ނޮވެމްބަރުވާ ހޮނިހިރު ދުވަހު ޓޯގޯއާ މިސްރާ ބައްދަލު ކުރާ މެޗުގައި ވެސް ޞަލާހް އަކަށް ނުކުޅެވޭނެއެވެ.މި ދުވަސްވަރަކީ ގައުމީ ޓީމުތަކަށް ކުޅުންތެރިން ދޫކޮށްފައިވާ ދުވަސްވަރެކެވެ. ނުވަތަ "އިންޓަރނޭޝަނަލް ބްރޭކް" އެވެ. އެހެން ނަމަވެސް ޞަލާހް ކޮވިޑް-19އަށް ފައްސިވުމުގެ ސަބަބުން އޭނާއަށް މިސްރުގެ ޓީމަށް މި އިންޓަރނޭޝަނަލް ބްރޭކްގައި ނުކުޅެވޭނެއެވެ.
ޞަލާހް ކޮވިޑަށް ފައްސިވީ ނަމަވެސް އޭނާގެ ކިބައިން މި ބަލީގެ އެއްވެސް އަލާމާތެއް ނުފެންނަ ކަމަށް މިސްރުގެ އެފްއޭ އިން ބުނެއެވެ.
