އައިފޯނަކާއި އައިޕެޑެއް ގަންނަން ކިޑްނީ ވިއްކާލި މީހެއްގެ ވާހަކަ
މިއީ އައިފޯނަކާ އައިޕެޑެއް ގަތުމަށް ޒުވާން އުމުރުގައި ކިޑްނީ ވިއްކާލި މީހެއްގެ ވާހަކައެކެވެ.
މިހާރު 25 އަހަރު ވެފައިވާ ޗައިނާގެ މިމީހާ ކިޑްނީ ވިއްކާލީ އޭނާގެ އުމުރުން އެންމެ 17 އަހަރުގައެވެ. އައި ފޯނެއް ގަންނަ ހިތްވެފައި ހުރިލެއް ބޮޑު ކަމުން ގުނަވަންތަކުގެ ވަގު ވިޔަފާރި ކުރާ ބައެއް ހޯދާ ، އޭނާގެ ކަނާތު ކިޑްނީ ވިއްކާލީ އެންމެ 3273 ޑޮލަރަށެވެ.
3000 ޑޮލަރު ލިބޭނެ ކަމަށް ބުނުމުން ، އަވަހަށް ވިޔަފާރި ނިންމަން ބޭނުންވެ ، ސާޖަރީ ހެދިއެވެ. އަދި އައިފޯން ގެ ސީރީޒް4 އަކާއި އައިޕެޑެގެ ސީރީޒް 2 ގަނެ އޭނާގެ އުއްމީދު ފުރިހަމަ ކުރިއެވެ. ނަމަވެސް އޭނާގެ ޙާލަތު ބަދަލުވީ މުޅިން ގޯހުން ގޯހަށެވެ.
ކިޑްނީ ވިއްކާލިތާ މާ ގިނަ ދުވަސް ދުވަނީސް އަނެއް ކިޑްނީއަށް އިންފެކްޝަނެއް ދިމާވިއެވެ. ދުވަސްވާ ވަރަކަށް ހާލު ދެރަވަމުން ދިޔުމުން އެކަންތަކާ މަންމަ ސުވާލު ކުރުމުން އޭނާ ވަނީ ކިޑްނީ ވިއްކާލި ކަމަށް މަންމަ ގާތުގައި އެއްބަސް ވެފައެވެ. އަދި ބަލި ޙާލަތު ބޮޑުވެ މިހާރު އޭނާ ދިރިއުޅެމުން ދަނީ ޑައިލެސިސް މެޝިނެއް ގުޅައިގެން ކަމަށް މި ޚަބަރު ގެނެސްދިން މީޑިއާއިން ރިޕޯޓް ކޮށްފައި ވެއެވެ.
މި ހާދިސާއާ ފެންމަތިވެ ޗައިނާގެ ފުލުހުން ހިންގި ތަހުގީގާ ގުޅިގެން ގުނަވަންތަކުގެ ވަގުވިޔަފާރި ކުރާކަމުގެ ތުހުމަތުގައި 9 މީހުން ވަނީ ހައްޔަރު ކޮށްފައެވެ.
