ޝުޖާއު ފުލުހަށް ހާޒިރުވާން އަންގައިފި

ޕީއެންސީގެ ނައިބު ރައީސް ޕީއެންސީގެ ނައިބު ރައީސް އިބްރާހިމް ޝުޖާއު ފުލުހަށް ހާޒިރުވާން އަންގައިފިއެވެ.

Ads by Sosun Fihaara

އިދިކޮޅު ޕީޕީއެމް އިން މިއަދު ބުނީ މާދަމާ 14:30 އަށް ޝުޖާއު ފުލުހަށް ހާޒިރުވުމަށް އަންގާފައިވާ ކަމަށެވެ.

ޝުޖާއު ފުލުހަށް ހާޒިރު ކުރުމަށް އަންގާފައިވަނީ ނަސްރުގެ ދުވަސް ފާހަގަ ކުރުމުގެ ގޮތުން އިދިކޮޅު ޕްރޮގްރެސިވް ކޯލިޝަނުން ނޮވެންބަރު މަހުގެ 3 ވަނަ ދުވަހުގެ ރޭ ބޭއްވި އެއްވުމާ ގުޅިގެންނެވެ. މީގެ ކުރިން ވެސް މި މައްސަލަ އާ ގުޅިގެން ފުލުހަށް ހާޒިރުވާން ޝުޖާއު އަށް އެންގި ނަމަވެސް އެ ދުވަހު ވަނީ އެކަން ކެންސަލްވެފައެވެ.

ކޮވިޑް-19 ގެ ބަލިމަޑުކަމުގެ ދުވަސްވަރުގައި އެޗްޕީއޭގެ ގައިޑްލައިންތަކާއި ހިލާފުވި ކަމަށް ބުނެ،  އިދިކޮޅު ކޯލިޝަނުން ބޭއްވި ސައިކަލު ބުރާއި ގުޅިގެން، ޝުޖާއު ފުލުހަށް ހާޒިރުކޮށް ވަނީ 1000 ރުފިޔާއިން ޖޫރިމަނާ ވެސް ކޮށްފައެވެ.