ސްޕަރ މެޖޯރިޓީ ސްޕަރ މައިނޯރިޓީއަށް ވެސް ބަދަލުވާނެ:މަލީޙް
ސްޕަރ މެޖޯރިޓީ ، ސްޕަރ މައިނޯރިޓީއަށް ވެސް ބަދަލުވާނެ ކަމަށް ،ރައްޔިތުންގެ މަޖިލީހުގައި 65 ގޮނޑިއާއެކު ސްޕަރ މެޖޯރިޓީ އޮންނަ އެމްޑީޕީއަށް އިޝާރާތްކޮށް ޓެކްނޮލޮޖީ މިނިސްޓަރ މުޙައްމަދު މަލީޙް ޖަމާލް ވިދާޅުވެއްޖެއެވެ.
މިއަދު ކުރެެއްވި ޓްވީޓެއްގައި މަލީޙް ވިދާޅުވީ މިހާރު ކުރިއަށް ދަނީ މަކަރުވެރި ޙީލަތްތެރި ގޮތެއްގައި ކޯލިޝަންގެ މިނިސްޓަރުން ބޭރު ކުރުމުގެ މަސައްކަތް ކަމަށެވެ.
" އަޅުގަނޑުގެ ދޫ މޯގޭޖްކޮށްފަ އޭގެ ސެޓްފިކެޓް އެވެރިންނަށް ހަވާލުކޮށްފަ ނުވާނެ ، މަކަރުވެރި ހީލަތްތެރު ގޮތެއްގައި ކޯލިޝަންގެ މިނިސްޓަރުން ބޭރުކުރުމުގެ ނުވައި ޕްލޭން ކުރިއަށް އެގެންދަވަނީ، މުޅި އެތި ޖަހައިގަތުމުގެ ޕްލޭން ، ސްޕަރ މެޖޯރިޓީ ސްޕަރ މައިނޯރިޓީއަށް ވެސް ބަދަލުވެދާނެ" މަލީޙް ވިދާޅުވެފައި ވެއެވެ.
ޓެކްނޮލޮޖީ މިނިސްޓަރ މަލީޙް މިހެން ވިދާޅުވެފައި މިވަނީ އޭނާގެ އިތުބާރު ނެތް ކަމުގެ މައްސަލަ ކުރިއަށް ގެންދިޔުމަށް އެމްޑީޕީގެ ޕީޖީ ގުރޫޕްގެ މެޖޯރިޓީން ނިންމާފައި ވަނިކޮށެވެ. އެމައްސަލަ ހުށަހެޅީ ގަލޮޅު ދެކުނު ދާއިރާގެ މެމްބަރު މީކާއީލް ނަސީމެވެ.
Ads by STO
