ހުވަދު އަތޮޅު ރަށެއްގަ ކުޑަ ކުއްޖަކަށް ޖިންސީ ގޯނާކުރި ބިދޭސީއަކު ހައްޔަރު ކޮށްފި
ހުވަދު އަތޮޅު ރަށެއްގަ ކުޑަ ކުއްޖަކަށް ޖިންސީ ގޯނާކުރި ބިދޭސީއަކު ހައްޔަރު ކޮށްފިއެވެ.
އެނގިފައިވާ ގޮތުގައި ބިދޭސީ މީހާ ޖިންސީ ގޯނާ ކޮށްފައިވަނީ އުމުރުން 12 އަހަރުގެ އަންހެން ކުއްޖަކަށެވެ.
ފުލުހުންގެ މީޑިއާ އޮފިޝަލަކު ވިދާޅުވީ އަޕަރ ސައުތު ޕޮލިސް ޑިވިޝަން (ގއ./ގދ އަތޮޅު) ގައި ހިމެނޭ ރަށެއްގައި އުމުރުން 12 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް 2 ޑިސެމްބަރު ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މިމައްސަލައިގައި ކޯޓު އަމުރެއްގެ ދަށުން މިއަދު 17:33 ހާއިރު އުމުރުން 36 އަހަރުގެ ބިދޭސީ ފިރިހެނަކު ހައްޔަރު ކޮށްފައިވާ ކަމަށް ވެސް ވިދާޅުވެފައިވެއެވެ.
އެއީ ކޮން ޤައުމެއްގެ ބިދޭސީއެއް ކަމެއް ފުލުހުން ހާމަކޮށްފައެއް ނުވެއެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ކުޑަކުދިންނާއި ގުޅޭ މައްސަލަތަކަކީ ސީރިއަސް މައްސަލަތަކަކަށްވާތީ، ކުއްޖާގެ ވަނަވަރު ރައްކާތެރި ކުރުމުގެ ގޮތުން އެކުއްޖާގެ ނުވަތަ ހުށަހެޅޭ އަތޮޅާއި ރަށް ހާމައެއް ނުކުރެއެވެ.
