އަމީން ދީދީ އާއި އިބްރާހިމް ނާސިރަށް ހެދި ގޮތް ރައީސް ޔާމީނަކަށް ނުހެދޭނެ: އާދަމް ޝަރީފް
އެމްއެމްޕީއާރުސީގެ ހިޔާނާތުގައި ގެއްލުނު ފައިސާ ހޯދަން މި ސަރުކާރުން މަސައްކަތް ނުކުރާ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރު، އިދިކޮޅު ޕީއެންސީގެ ޕާލިމެންޓްރީ ގްރޫޕްގެ ލީޑަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީފް މިއަދު ކުރެއްވި ޓްވީޓެއްގައި ވިދާޅުވީ، އެމްއެމްޕީއާރުސީ ހިންގި ބައެއް ފަރާތްތަކާއެކު ސަރުކާރުން ޑީލް ހަދާފައިވަނީ ރައީސް ޔާމީނަށް އިތުރު ނުހައްގު އަނިޔާ ދޭން ކަމަށެވެ.
"ކޮރަޕްޝަންގައި ބައިވެރިވި މީހުންނާއި ގެއްލުނު ފައިސާ ހޯދާކަށް ނޫޅޭ. މަރުހޫމް އަމީން ދީދީ އާއި މަރްހޫމް އިބްރާހިމް ނާސިރަށް ހެދި ގޮތް ރައީސް ޔާމީނަކަށް ނުހެދޭނެ،" އާދަމް ޝަރީފް ކުރެއްވި ޓްވީޓުގައި ވިދާޅުވިއެވެ.
އާދަމް ޝަރީފް މިހެން ވިދާޅުވެފައިވާއިރު، އެމްއެމްޕީއާރްސީގެ ޚިޔާނާތުގައި އިސްކޮށް ހަރަކާތްތެރިވި ކުރީގެ ނައިބު ރައީސް އަހްމަދު އަދީބާއި އެމްއެމްޕީއާރްސީގެ ކުރީގެ މެނޭޖިން ޑިރެކްޓަރ އަބްދުﷲ ޒިޔަތު ވަނީ ދައުލަތާއެކު އެއްބަސްވުމެއް ހަދައިގެން އެބޭފުޅުންގެ މައްޗަށް އޮތް ޙުކުމް ލުއި ކޮށްފައެވެ.
Ads by STO
