ޤުރްއާނުގެ އާޔަތްތައް ސިޔާސީ ހަތިޔާރަކަށް ހަދަން ފުރުސަތެއް ނުދެވޭނެ: ރައީސް ނަޝީދު
ރައްޔިތުންގެ މަޖިލީހުގައި ކީރިތި ގުރުއާނުގެ އާޔަތްތައް ވިދާޅުވާން ފުރުސަތު ނުދެނީ، ގުރުއާނުގެ އާޔަތްތައް ސިޔާސީ ހަތިޔާރަކަށް ހެދުމުގެ ފުރުސަތު އެއްވެސް ގޮތަކުން ދޭން ބޭނުންފުޅު ނުވާތީ ކަމަށް މަޖިލިސް ރައީސް މުޙައްމަދު ނަޝީދު ވިދާޅުވެއްޖެއެވެ.
ރައްޔިތުންނަށް ވެސް ސުވާލު ކުރެވޭނޭހެން ޕީއެސްއެމް އިން ކުރިއަށް ގެންދާ "އާސްކް ސްޕީކަރ" ޕްރޮގްރާމުގައި މީހަކު ކުރި ސުވާލަކަށް ޖަވާބު ދެމުން ރައީސް ނަޝީދު ވިދާޅުވީ ރައްޔިތުންގެ މަޖިލީހުގައި ބަހުސް ކުރައްވާއިރު ބައެއް މެންބަރުން ޖޯޝުގައި ބަހުސް ކުރައްވާ ކަމަށާއި، އެގޮތަށް ބަހުސް ކުރައްވާއިރު ބޭނުންކުރަން އެންމެ ރަނގަޅު ނޫން ބަަސްތައްވެސް ބޭނުން ކުރައްވާ ފަހަރު އަންނަ ކަމަށެވެ.
އެފަދަ ބަހުސެއްގައި ނުރަނގަޅު ވާހަކަތަކެއް ދެއްކެވުމަށްފަހު ޤުރުއާނުގެ އާޔަތެއް ވިދާޅުވުން އެއީ ރަނގަޅުގޮތެއް ކަމަށް އެމަނިކުފާނަށް ފެނިވަޑައި ނުގަންނަ ކަމަށް ވެސް ރައީސް ނަޝީދު ވިދާޅުވިއެވެ.
އަޅުގަނޑަށް އެނގިފައި އޮންނަގޮތުން 'އޮރިޔާން ހާލުގައި' ހުރެ ގުރުއާން ކިޔެވުމަކީ ރަނގަޅު ގޮތެއް ނޫން، އެހެންކަމުން ޤުރުއާނުގެ އާޔަތްތައް ވިދާޅުވާއިރު ޤަދަރުވެރިކަން އިސްކުރަން ޖެހޭކަން އެނގެން އެބައޮތް. އަނެއްކޮޅުން މަޖިލީހުގައި ޤުރުއާނުގެ އާޔަތްތައް ވިދާޅުވާން މީގެކުރިން ރިޔާސަތުގައި ތިއްބެވި ބޭފުޅުންވެސް އެއްބާރުލުން ދީފައެއް ނުވޭ" ރައީސް ނަޝިދު ވިދާޅުވިއެވެ.
މަޖިލީހަކީ ވަރަށް ސިޔާސީ ތަނެއް ކަމަށާއި، އެތަނުގައި ސިޔާސީ ވާހަކަތައް ދައްކަވާއިރު ސިޔާސީ ގޮތުން ހަތިޔާރަކަށް ހައްދަވައިގެން ޤުރުއާނުގެ އާޔަތްތައް ވިދާޅުވާން ފުރުސަތު ދެއްވަން އެއްވެސް ހާލެއްގައި ބޭނުންފުޅު ނުވާކަމަަށް ވެސް ރައީސް ނަޝީދު ވިދާޅުވިއެވެ.
ނަޝީދުއެއްކަމަކު އެބުނީ ތެދެއްހެން އަޅުގަނޑަށް ހީވަނީ. މަޖިލީހުގެ ހުރިހާ މެންބަރުންވެސް ހުރިހާ ގޮތަކުން ބެލި ނަމަވެސް އެ ތިބެނީ އޮރިޔާންވެފައި. އެފަދަ ޙާލަތުގައި ތިބެ ޤުރުއާން ކިޔެވުން ރަނގަޅު ނުވެދާނެ.
އަބަދުވެސް ޤުރްއާނުގެ އަޑު އިވުނީމާ ޝައިޠާނާއަށް އުނދަގޫވާނެ.
ސިޔާސީ ނޫން ހަތިޔާރަކީ ޔޫރަޕްގެ ދޮންކުދިން އުޅޭގޮތްތަ