ރައީސް މައުމޫނަކީ ފިތްކަނޑައިގެންދާވަރުގެ އަނިޔާވެރި ވެރިކަމެއް ކުރެއްވި ބޭފުޅެއް: ނަޝީދު
ކުރީގެ ރައީސް މައުމޫން އަބްދުލްގައްޔޫމަކީ ފިތްކަނޑައިގެންދާވަރުގެ އަނިޔާވެރި ވެރިކަމެއް ކުރެއްވި ބޭފުޅެއްކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
"އާސްކް ސްޕީކާ" ބައްދަލުވުމުގައި ރައީސް ޔާމީނާ ގުޅޭގޮތުން ކުރެވުނު ސުވާލަކަށް ޖަވާބު ދެއްވަމުން ނަޝީދު ވިދާޅުވީ، އެމަނިކުފާނުގެ ސަރުކާރުގައި ރައީސް މައުމޫން ޖަލަށް ނުލެއްވީ މައުމޫން ކަމެއް ނުކުރައްވާތީ ނޫން ކަމަށެވެ.
އަދި މައުމޫނަކީ 30 އަހަރުވަންދެން ހުދުމުހުތާރު، އެހާމެ އަނިޔާވެރި ވެރިކަމެއް ކުރެއްވި ބޭފުޅެއްގެ ގޮތުގައި ނަޝީދު ސިފަކުރެއްވިއެވެ.
"އަޅުގަނޑު އެކަން ބެލީ ތާރީހުގެ ފަށްފުށަށް ގެންދެވި، އަޅުގަނޑުމެންނަށް ހެޔޮ ގޮތުގައި ދިވެހިންނަށް ވެރިކަން ކުރަމުން ދެވޭނެ ގޮތެއް ހޯދުން" ނަޝީދުގެ ވެރިކަމުގައި މައުމޫން ޖަލަށް ނުލެއްވި ސަބަބު ސާފު ކޮށްދެއްވަމުން ނަޝީދު ވިދާޅުވިއެވެ.
ރައީސް ނަޝީދުގެ ވެރިކަމުގެ ދުވަސްވަރު މައުމޫން ޖަލަށް ނުލެއްވި ނަމަވެސް، އެމަނިކުފާނުގެ ވެރިކަމުގައި ރައީސް މައުމޫން އެތައް ފަހަރެއްގެ މަތިން ފުލުހަށް ހާޒިރު ކޮށްފައި ވެެއެވެ.
ފުލުހަށް ހާާޒިރުު ކުރުމަކީ ހުކުމެއްކޮށް ޖަލަށްލުމެއް ނޫން.
ކުރިން މައުމޫނާ އަޅައިގަނެގެން ނުނެއްޓިގެން އުޅުނީ ރީކޯ މޫސަދޯ. މިހާރު މައުމޫނާ އަޅައިގަނެގެން ނުނެއްޓިގެން މިއުޅެނީ އަންނި. ބުއްޅަބޭ ޖަލަށްލީ ނަމާދު ކޮށްގެން މިސްކިތުގައި ޔާސީން ސޫރަތް ކިޔަން އިންދަތަ؟ މައުމޫނު އަންގައިގެން އެއްވެސް ފަނޑިޔާރެއް ރަހީނު ކުރިތަ؟ ދެތިން ކުދިންގެ އަމާ ރޭގަނޑު ދަންވަރު ދޮރުވައްޓަލައިގެން ގެންގޮސް ގާމާދޫ ވަލުތެރޭގައި ބެހެއްޓީ ބުއްޅަބޭ. ކިތައް ފަހަރު ޔާމީނު، ޤާސިމު އަދި ޖަމީލު ޖަލަށް ލީންތަ؟
އަނގަ ބޮޑުވެފައި އޮތިއްޔާ ތަޅުވާ ބޭލިދާނެ!!!