ރައީސް ޔާމީންގެ މައްސަލައިގައި މިހާރު ވަރަށް ހިތާމަކުރަން: ނަޝީދު
ރައީސް އަބްދުﷲ ޔާމީން އަބްދުލްގައްޔޫމް ޖަލުގައި ހުންނެވި މައްސަލައިގައި ވަރަށް ހިތާމަ ކުރައްވާ ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ މަޖިލީހުގެ ރައީސާ ސުވާލު ކުރެއްވުމަށް ހުޅުވާލި ފުރުސަތުގައި އާންމު ރައްޔިތަކު ކުރެއްވި ސުވާލަށް ޖަވާބު ދެއްވަމުންނެވެ. ރައީސް ޔާމީން މިނިވަން ވާނީ ކޮން ދުވަހަކުތޯ ކުރެއްވި ސުވާލުގެ ޖަވާބުގައި ނަޝީދު ވިދާޅުވީ ރާއްޖޭގައި ވެރިކަންކޮށްފައި ތިއްބެވި ބޭފުޅުންނާމެދު ހަރުކަށިކޮށް ކަންކުރުމަކީ ރައްޔިތުން ގަޔާވާކަމެއް ގޮތުގައި ދެކެވަޑައި ނުގަންނަވާކަމަށެވެ. އަދި ރައީސް ޔާމީންގެ މައްސަލައިގައި މިހާރު އެމަނިކުފާނު ހިތާމަ ކުރައްވާ ކަމަށް ވެސް ވިދާޅުވިއެވެ.
ރައީސް މައުމޫނަކީ އިންތިހާއަށް އަނިޔާވެރި ހުދުމުހުތާރު ވެރިކަމެއް 30 އަހަރު ކުރެއްވި ބޭފުޅެއް ކަމަށް ނަޝދު ވިދާޅުވިއެވެ. އަދި ނަޝީދު ވެރިކަމާ ހަވާލުވެ ވަޑައިގަތުމަށްފަހު ރައީސް މައުމޫން އަބްލުގައްޔޫމް ޖަލަށް ނުލައްވާ ކަމަށް ވިދާޅުވިއެވެ.
މީގެ އިތުރުން ނަޝީދު ވިދާޅުވީ ރާއްޖޭގައި ވެރިކަން ކުރައްވާ ބޭފުޅުން ޖަލަށްލުމުގެ އާދައަށް ނިމުމެއް އައުމަކީ އެމަނިކުފާނު ވަރަށް އެދޭ ކަމެއް ކަމަށެވެ. އެހެންނަމަވެސް ގާނޫނު އަސާސީގައި ބަޔާންކޮށްފައިވާ ގޮތުގެ މަތިން ކުށެއް ކޮށްފިނަމަ އެކަމުގެ އަދަބު ދޭންވާނެ ކަމަށެވެ.
އެމަނިކުފާނު ރައީސް ޔާމީން ދެކެ ނުރުހުންވި ނަމަވެސް، އެހެން އެންމެން އެގޮތަށް ނުދެކޭނެ ކަމަށް ރައީސް ނަޝީދު ވިދާޅުވިއެވެ.
Ads by STO
