މާލެ ފަޅުގައި އަޅާފައި އޮތް ލޯންޗެއް އަޑިއަށް ހިނގައްޖެ

މާލޭ ފަޅުގައި އަޅާފައި އޮތް ލޯންޗެއް އަޑިއަށް ހިނގައްޖެއެވެ.

Ads by Hajj Corporation

އެމްއެންޑީއެފް އިން ވިދާޅުވީ މާލެ ސަރަޙައްދު ފަޅުގައި އަޅާފައި އޮތް ލޯންޗެއް އަޑިއަށް ދާތީ ސިފައިން ހަރަކާތްތެރިވާން ފަށާފައިވާ ކަމަށެވެ.

އެމްއެންޑީއެފް އިން ބުނީ އަޑިއަށް ގޮސްފައިވަނީ މާލެ ސިޓީގެ ދެކުނު ފަޅުގައި އަޅާފައި އޮތް "ލިންޓެން" ނަމަކަށް ކިޔާ 33 ފޫޓުގެ ލޯންޗެއް ކަމަށެވެ. އެލޯންޗު ދިޔަވެ އަޑިއަށް ދިޔުމުން، ދިޔަ ހިއްކުމުގެ މަސައްކަތް ސިފައިން ކުރަމުންދާ ކަމަށް ވެސް އެމްއެންޑީއެފް އިން ބުނެފައިވެއެވެ.

އަޑިއަށް ދިޔަ ލޯންޗުން ދިޔަ ހިއްކުމުގެ މަސައްކަތުގައި އުޅެނީ އެމްއެންޑިއެފް ފަޔަރ އެންޑް ރެސްކިޔު ސާވިސަސް ގެ ސިފައިންނެވެ.

މިހާދިސާގެ ރިޕޯޓު ލިބިފައިވަނީ 13:45 ހާއިރު ކަމަށް އެމްއެންޑީއެފް އިން ބުނެފައިވެއެވެ.