އިންޑިއާއިން ފެނުނު ގޮތް ނޭނގޭ ބަލީގެ ހަގީގަތް ހޯދިއްޖެ
އިންޑިއާގެ އުއްތަރަ ޕްރަދޭޝްގެ އެލޫރޫ ސިޓީގައި ފެތުރުނު ގޮތް ނޭނގޭ ބަލި މަޑުކަމުގެ ހަގީގަތް ހޯދިއްޖެ ކަމަށް ރިޕޯޓުތައް ބުނެފިއެވެ.
މި ބަލިމަޑުކަމުގެ ހަގީގަތް ހޯދުމަށް ސައިންސްވެރިން ކުރި ދިރާސާތަކުން ސައިންސްވެރިންނަށް ވަނީ އެ ސަރަހައްދުގެ ގެރިތަކުން ނެގި ކިރުގެ ސާމްޕަލް އިން ނުރައްކާތެރި މައުދަނެއް ކަމުގައިވާ “ނިކެލް” ފެނިފައެވެ.
މީގެ ހަފްތާއެއް ކުރިން އެލޫރޫއިން ފެނުނު މި ބަލި 700 އަށް ވުރެ ގިނަ މީހުންގެ ގައިން ވަނީ ފެނިފައެވެ. އެމީހުންގެ ގައިން ފެނުނު އަލާމަތްތަކުގެ ތެރޭގައި ހޮޑެލެވުމާއި، ލޯ ކެރުން އަދި ފިޓު ޖެހުމާއި. ބައެއް މީހުން ހޭ ނެތުން ވެސް ހިމެނެއެވެ.
މި ބަލީގައި ޑިސެންބަރު 7 ވަނަ ދުވަހު މީހަކު މަރުވެފައި ވެސް ވެއެވެ.
ހޮސްޕިޓަލުން ހެދި ބަލި މީހުންގެ ތަހުލީލުތަކުން އެމީހުންގެ ލެއިން ވެސް ގިނަ އަދަދަކަށް ނިކެލް ފެނިފައިވާ ކަމަށް ރިޕޯޓުތައް ބުނެއެވެ.
ނަމަވެސް ކިރުގައި ނިކެލް ހުންނަންވީ ސަބަބެއް މިހާތަނަށް ހޯދިފައި ނުވާއިރު، ސައިންސްވެރިން ބޮޑަށް ބުރަވަނީ އެ މާއްދާ ގެރީގެ ހަށިގަނޑަށް ގޮސްފައި ވަނީ ގަސްތަކަށް ޖަހާފައިވާ ޕެސްޓިސައިޑްގެ ސަބަބުން ކަމަށެވެ.
