ފެންނަމުންދަނީ މި ސަރުކާރުން ވީ ވައުދުތަކަކީ ދިރާސާއެއް ނެތި، ހިތުހުރި ގޮތަކަށް ވީ ވައުދުތަކެއް ކަން: ސެންބެ
މި ސަރުކާރުން ރައްޔިތުންނަށް ވެފައިވާ ވައުދުތަކަކީ އެއްވެސް ދިރާސާ ކުރުމެއް ނެތި، ހިތުހުރި ގޮތަކަށް ވެފައިވާ ވައުދުތަކެއްކަން ހާމަވަމުން އަންނަ ކަމުގައި ފަރެސްމާތޮޑާ ދާއިރާގެ މެންބަރު ޙުސައިން މުޙައްމަދު ލަޠީފު (ސެންބެ) ވިދާޅުވެއްޖެއެވެ.
ސެންބެ މިހެން ވިދާޅުވެފައި ވަނީ މަސްވެރިންނަށް ދިމާވާ ދަތިތަކަށް ޙައްލު ހޯދައި ދިނުމަށް ގޮވާލާ މަސްވެރިންތަކެއް ފެލިވަރުގައި މިއަދު ކުރަމުން އަންނަ އިހުތިޖާޖާ ގުޅިގެން ކަމަށް ބެލެވެއެވެ.
ސެންބެ ވިދާޅުވީ މި ސަރުކާރުން ވީ ވައުދުތަކަކީ އެއްވެސް ދިރާސާއެއް ނެތި، ހިތުހުރި ގޮތަކަށް ވީ ވައުދުތަކެއް ކަން ހާމަ ކަން ބޮޑުކޮށް މިހާރު ފެންނަމުންދާ ކަމަަށެވެ.
“ރައްޔިތަކަށް ފައިސާ ފޮއްޗެއް ނުދީ ބޮޑުންގެ ޖީބު، ރައްޔިތުން ފެލައިގެން ބޮޑުކުރާ ސަރުކާރެއް މީ” ސެންބެ ވިދާޅުވިއެވެ.
މަސްވެރިންނަށް ދިމާވާ ދަތިތައް ހައްލު ކޮށްދިނުމަށް ގޮވާލަމުން އިހުތިޖާޖު ކުރި މަސްވެރިން ބުނަމުން ދިޔައީ އެމީހުން އެދެނީ ރައީސް އިބްރާހިމް މުޙައްމަދު ޞާލިޙާ ބައްދަލު ކުރުމަށް ކަމަށެވެ.
މަސް ކިރުމުގައި ދިމާވެފައިވާ ދަތިތައް ހައްލުކުރުމާއި، ހަމަ އަގު ހޯދައިދިނުމަށާއި، އުތުރުގައި މަސްގަންނަން ތަރައްޤީކޮށްފައިވާ ށ. ކީކިމިނި ސަރުކާރުގެ ބެލުމުގެ ދަށަށް ގެނައުމަށް ވެސް މަސްވެރިން ވަނީ ގޮވާލާފައެވެ.
