މަޖިލީހުގެ ހިނގި ކަންކަމުގެ ތެރެއިން ޝިޔާމް އަށް އަނިޔާވެފައިވާއިރު، އިދިކޮޅުން ވަނީ ޝިޔާމް އަށް އަނިޔާކުރީ މަޖިލީހުގެ ރައީސް، މުހައްމަދު ނަޝީދުގެ އެންގެވުމަށް ކަމަށް ތުހުމަތުކޮށްފައެވެ.
ރޭގެ ޖަލްސާގައި އެމްޑީޕީގެ ގިނަ މެމްބަރުން ތިއްބެވީ ބަނގުރާ ހިއްޕަވައިގެން: މޮސްޓާ
ރޭ ދަންވަރު ބޭއްވި މަޖިލީހުގެ ޖަލްސާއަށް އެމްޑީޕީގެ ގިނަ މެމްބަރުން ވަޑައިގެންނެވެީ ބަނގުރާ ހިއްޕަވައިގެން ކަމަށް ތުޙުމަތު ކުރެވޭކަމަށް ނޮޅިވަރަމް ދާއިރާގެ މެމްބަރު މުހައްމަދު ނަޝީދު ޢަބްދުﷲ (މޮސްޓާ) ވިދާޅުވެއްޖެ އެވެ.
Ads by STELCO
ރޭ ދަންވަރު 1:30 ގައި ބޭއްވި ޖަލްސާގައި ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެމްބަރު އަހުމަދު ޝިޔާމް އަޑުގަދަ ކުރައްވަން ފެއްޓެވުމާއެކު އޭނާގެ ނަން އިއްވައި ތަޅުމުން ނިކުންނަން ރިޔާސަތުން ވަނީ އަންގަވާފައެވެ. ނަމަވެސް އެކަމަށް ޝިޔާމް ދެކޮޅު ހެދުމުން ސަރުކާރަށް ތާއީދުކުރާ މެމްބަރުންނާއި އޭނާ އާއި ދެމެދު ކޮންމެވެސް ވަރެއްގެ ކުރިމަތިލުންތަކެއް ވަނީ ހިނގާފައެވެ.
އެ ޖަލްސާއަށް ފަހު މޮސްޓާ ކުރެއްވި ޓުވީޓެއްގައި ވިދާޅުވީ ރޭ މަޖިލިސް ޖަލްސާގައި އެމްޑީޕީގެ ވަރަށް ގިނަ މެންބަރުން ތިބީ ބަނގުރާ ހިއްޕަވައިގެން ކަމަށް ތުޙުމަތު ކުރެވޭ ކަމަށެވެ.
"މިމައްސަލަ ބެލުމަށް މޯލްޑިވްސް ޕޮލިސް ސާރވިސް އަށް ގޮވާލަން." ޕޮލިސް ކޮމިޝަނަރ މުހައްމަދު ހަމީދު ޓެގް ކުރައްވާ މޮސްޓާ ވިދާޅުވިއެވެ.
Mirey Majlis jalsaa gai @MDPSecretariat ge varah gina member in thibee banguraa hippavaigen kamah thuthumathu kurevey. Mi massala belumah @policemv ah govaalan @M_Hameedh
— Mohamed Nasheed Abdulla (@MNA_MosTaaA) June 1, 2020
Ads by STO
