ކައިވެނި ހަފްލާގެ ކްލަސްޓާއިން ފައްސިވި މީހުންގެ އަދަދު 68 އަށް
ޝީ ބިލްޑިންގގައި ބޭއްވި ކައިވެނީގެ ހަފްލާއިން އުފެދުނު ކްލަސްޓަރއިން މިހާތަނަށް 68 މީހުން ކޯވިޑް-19އަށް ފައްސިވެއްޖެއެވެ.
މީގެތެރެއިން 68 މީހުންނަކީ ބަލީގެ ޢަލާމާތްތައް ފެންނަ މީހުންނެވެ. ހައިރިސްކް މީހުންގެ ގޮތުގައި ވެސް 71 ކޮންޓެކްޓުން ފާހަގަ ކުރެވިފައިވާ ކަމަށް ޑރ.ނަޒްލާ ވިދާޅުވިއެވެ. މިހާތަނަށް މި ކްލަސްޓާއާ ގުޅިގެން 262 ސާމްޕަލް ނަގާފައިވާއިރު، ކްލަސްޓާގެ ކޭސްތައް ފެންނަން ފަށާފައި ވަނީ މިމަހުގެ 24ވަނަ ދުވަހުން ފެށިގެންނެވެ.
ހެލްތް އިމަރޖެންސީ އޮޕަރޭޝަން ސެންޓަރުގެ ތަރުޖަމާން ޑރ.ނަޒްލާ ރަފީޤް ވިދާޅުވީ އެކްލަސްޓަރއިން ފައްސިވި މީހުންގެ ކޮންޓެކްޓުންގެ ގޮތުގައި 229 މީހުން މިހާތަނަށް ފާހަގަ ކުރެވިފައިވާ ކަމަށެވެ. މިމަހުގެ 20 ވަނަ ދުވަހު ޝީ ބިލްޑިންގް ގައި ބޭއްވި މި ކައިވެނި ޕާޓީއަކުން ކޮވިޑް-19 އަށް ފައްސިވީ މީހުންގެ ތެރޭގައި އެއް އަހަރުން ދަށުގެ ދެ ކުދިން ވެސް ހިމެނެއެވެ. ފައްސިވި އެއް އަހަރުން ދަށުގެ ދެ ކުދިންގެ ތެރޭގައި ހިމެނެނީ އަށް މަހުގެ އަންހެން ކުއްޖަކާއި ނުވަ މަހުގެ އަންހެން ކުއްޖެކެވެ.
"މީގެ ތެރެއިން 68 މީހަކު ބަލީގެ އަލާމާތްތައް ވެސް ހުރި. އަދި ހައިރިސްކް 71 ކޮންޓެކްޓުން ވެސް ހިމެނޭ. މިހާތަނަށް 262 ސާމްޕަލް މިވަނީ ނެގިފައި،" ޑރ. ނަޒްލާ ވިދާޅުވިއެވެ
