މި ސަރުކާރުން އަހަރެއް ނިންމާލީ ހުސްވާހަކަ ދެއްކުމުގައި: ޖަމީލު
މި ސަރުކާރުން އަހަރެއް ނިންމާލީ ހުސް ވާހަކަ ދެއްކުމުގައި ކަމަށް ކުރީގެ ނައިބު ރައީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.
ޖަމީލު މިއަދު ކުރެއްވި ޓްވީޓެއްގައި 2020 ވަނަ އަހަރު ނިމި އާ އަހަރަކާ ކުރިމަތިލާއިރު، ސަރުކާރުން އަމަލުކޮށްފައިވާ ގޮތަށް އިޝާރާތް ކުރައްވާ ބައެއް ކަންކަން ވަނީ ފާހަގަ ކުރައްވާފައެވެ.
އެގޮތުން ޖަމީލު ވިދާޅުވީ މިސަރުކާރުން އެސެޓް ރިކަވަރީ ކޮމިޝަންގެ ނަމުގައި ހެދި ކޮމިޝަނުން އެއްވެސް އެއްޗެއް ރިކަވަރީއެއް ނުކުރެވުނު ކަމަށާއި ބޮޑެތި ކުށްވެރިން އަމިއްލަ ގޭގައި ބޭތިއްބުމާއި، މަކަރާއި ހީލަތުން ހޯދިކަމަށް ބުނާ އެއްވެސް ފައިސާއެއް، ކުރެވުނު ތަހުގީގަކުން ނިކުތް ނަތީޖާއެއް ނެތްއިރު، ކުރެވުނުހާވެސް ކަމަކީ ރައީސް ޔާމީން ޖަލަށް ލައި އެމަނިކުފާނުގެ ޝަރީއަތްތައް ކުރުން ކަމަށެވެ.
“އެންމެން ހާލުގައި ޖެހިއްޖެ. މަސްވެރިންނަށްވީ ވަޢުދު ފުއްދަން ދެކޮޅު. ހުޅުމާލޭގައި އެންމެ ގާކޮޅެއް ވެސް އަލަށް ނުބޭއްވޭ. މުޅި ސަރުކާރުގެ ކުންފުނިތައް ބަވަނަވީ ކޮރަޕްޝަނުން. 5 އަހަރު ވެރިކަން ކުރެއްވި ވެރިއަކު ޖަލުގައި. ބޮޑު ދެ މުޖްރިމުން ގޭގައި. އެސެޓް ރިކަވަރީގެ ނަމުގައި ހެދި ކޮމިޝަނަށް އަދިވެސް އެއްވެސް އެސެޓެއް ރިކަވައެއް ނުވޭ. އެއްވެސް މަރަކަށް އިންޞާފެއް ނުލިބޭ. ރީތި ނަމުގެ ބަދަލުގައި ރައީސަށް ނެންގެވެން އޮތީ ހުސް ބްލޭމް.” ސަރުކާރަށް ފާޑު ވިދާޅުވަމުން ޖަމީލު ވިދާޅުވިއެވެ.
Ads by STO
