ވަކި ތާރީހެއް ސްކޫލްތަކުގެ ޓީޗަރުން ޑިއުޓީއަށް ރިޕޯޓުކުރަން އަންގާފައެއް ނުވޭ: މަބްރޫކް
ސްކޫލްތަކުގެ ޓީޗަރުން ޑިއުޓީއަށް ރިޕޯޓުކުރަން ވަކި ތާރީހެއް އަންގާފައި ނުވާ ކަމަށް އެންއީއޯސީގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.
ރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކް ވިދާޅުވީ ބައެއް ސްކޫލްތަކުން މިމަހުގެ 14 ވަަނަ ދުވަހު ޓީޗަރުން ސްކޫލަށް ނިކުންނަން ޖެހޭނެ ކަމުގެ ވަހަކަ ތަކެއް ދެކެވެމުންދާތީ އެކަމާ އެޑިއުކޭޝަން މިނިސްޓްރީ އިން ކަންބޮޑުވުން ފާޅުކޮށްފައި ވާކަމަށެވެ.
މަބްރޫކް ވިދާޅުވީ، އެ މިިނިސްޓްރީ އިން ޖޫން 14 ވަނަ ދުވަހު ޓީޗަރުން ސްކޫލްތަކަށް ނިކުންނަން ޖެހޭނެކަމަށް ބުނެ އެއްވެސް ލިޔުމެއް އެމިނިސްޓްރީ އިން ނެރިފައި ނުވާނެކަމަށް މިނިސްޓްރީ އިން ބުނެފައި ވާކަމަށާއި މިކަހަކަލަ ވާހަކަތަކެއް އިވެމުންދާތީ މިއީ ކިހިނެތް ހިނގާ ކަމެއްތޯ މިނިސްޓްރީ އިން ބަލަމުން އަންނަ ކަމަށް މިނިސްޓްރީ އިން ބުނެފައިވާ ކަމަށެވެ.
މަބްރޫކް އިތުރަށް ވިދާޅުވީ، ސްކޫލްތައް އަލަށް ހުޅުވާނެ ތާރީހާއި ގޮތްތަށް ފައިނަލަޒް ކުރުމުގެ މަސައްކަތް މިހާރު އެޑިއުކޭޝަން މިނިސްޓްރީ އިން ކުރަމުން އަންނަ ކަމަށެވެ.
