ކޮވިޑް-19: މިއަދު ފައްސިވީ 25 މީހުން، ބަލިން ފަސޭހަވީ 29 މީހުން
ކޮވިޑް-19 އަށް ރާއްޖެއިން މިއަދު އިތުރު 25 މީހުން ފައްސިވެ 29 މީހުން ބަލިން ރަނގަޅު ވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާއްމުކޮށްފައިވާ ސާވޭލަންސް ޑޭޓާއަށް ބަލާއިރު މިއަދު ރާއްޖެއިން ކޮވިޑަށް ފައްސި ވެފައި ވަނީ މާލެއިން 15 މީހުންނާއި ހިންގަމުން އަންނަ ރިސޯޓުތަކުން 10 މީހެކެވެ.
މިހާރު ރާއްޖެއިން މިބައްޔަށް ޖުމްލަ 14،065 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައި ވަނީ ޖުމްލަ 13,308 މީހުންނެވެ. އަދި މިބަލީގައި ރާއްޖެއިން ނިޔާވި މީހުންގެ ޖުމްލަ އަދަދު މިހާރު 49 އެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 47 މީހުންނެވެ.
ބަލި ފެތުރުން ވަރަށް ބޮޑުތަނުން ކޮންޓްރޯލް ވެފައިވަނިކޮށް، 27 ޑިސެމްބަރ 2020 ވަނަ ދުވަހު ގއ.ދެއްވަދޫ އިން ލ.ފޮނަދޫއަށް ދިޔަ ދެ މީހަކު ކޮވިޑަށް ފައްސިވެ، އިތުރު ދެ މީހަކުވެސް ފައްސިވުމުން، ފޮނަދޫ އާއި ގަން ވަނީ މޮނީޓަރިންގަށް ލާފައެވެ.
