ޓްރަންޕްގެ ވަދާޢީ މެސެޖް: ވިދާޅުވީ އޭނާއަކީ ވެރިކަމަށް ވަޑައިގެންނެވި ފުރަތަމަ "ބީރައްޓެހިޔާ" ކަމަށް
ވެރިކަމަށް ވަޑައިގަތުމުގެ ކުރިން އޭނާއަކީ ސިޔާސީ ދާއިރާއަށް ބީރައްޓެހި ބޭފުޅެއް ކަމަށާއި ވެރިކަމަށް ވަޑައިގަތީ ޤައުމަށް ޚިދުމަތްކޮށްދޭން ކަމަށް އެމެރިކާގެ ރައީސް ޑޮނާލްޓް ޓްރަންޕް ވިދާޅުވެއްޖެއެވެ.
ވެރިކަމުގެ ދައުރު ހަމަވުމުގެ ކުރިން ދެއްވެވި ވަދާޢީ ޚިތާބުގައި ޓްރަންޕް ވިދާޅުވީ، އެމެރިކާއަކީ އަބަދުވެސް ދުރުވިސްނޭ. ބަޔަކު ދިރިއުޅެމުން އައި އަދި އުޅޭނެ ޤައުމެއް ކަމަށާއި އެކީގައި މަސައްކަތްކޮށްފިނަމަ އަނެއްކާވެސް އެމެރިކާ "ގްރޭޓް" ވެގެންދާނެ ކަމަށެވެ.
ވައިޓް ހައުސްގެ ޔޫޓިއުބް ޗެނަލް އިން އަޕްލޯޑްކޮށްފައިވާ މި ޚިތާބުގައި ވާހަކަފުޅު ދައްކަވަމުން ޓްރަންޕް ވިދާޅުވީ، 4 އަހަރު ކުރިން އެމެރިކާއިން މުހިންމު ނިންމެއް ނިންމާ، މުޅި އެމެރިކާ ބަދަލު ކުރަން އަޒުމް ހިފި ކަމަށެވެ. އަދި ވޭތުވެދިޔަ 4 އަހަރުގެ ތެރޭގައި އެމެރިކާގެ ރައްޔިތުންގެ ޤައުމަކަށް އެމެރިކާ ހެދުނު ކަމަށާއި އަދި އެމެރިކާ މުޅިން އާ ހަރުފަތަކަށް އެރުނު ކަމަށެވެ.
ޓްރަންޕް ވިދާޅުވީ އެމެރިކާގެ 45 ވަނަ ރައީސްގެ ދައުރު މިއަދު ހަމަވާއިރު، މިދިޔަ 4 އަހަރުގެ ތެރޭގައި ކުރެވުނު ކަންކަމާމެދު އޭނާ ފަޚްރުވެރިވާ ކަމަށެވެ. އަދި އަޒުމް ކަނޑައެޅި ހުރިހާ ކަމެއް ވޭތުވެދިޔަ 4 އަހަރުގެ ތެރޭގައި ކުރެވުނު ކަމަށާއި އަދި އޭގެ އިތުރަށްވެސް އެތަކެއް ކަމެއް ޙާސިލްވި ކަމަށެވެ.
އަދި ވިދާޅުވީ، މިއަދު އާ ވެރިކަމަކަށް އެމެރިކާ ކުރިމަތިލާއިރު، އުފެދޭ ސަރުކާރަކީ އެމެރިކާގެ ލާބައާއި މަންފާއަށް މަސައްކަތް ކުރާ ސަަރުކާރަކަށްވާނެ ކަމަށް އުންމީދު ކުރައްވާ ކަމަށެވެ.
ޓްރަންޕްގެ ވާހަކަފުޅުގައި ވަނީ އޭނާއަށް މިދިޔަ 4 އަހަރުގެ ތެރޭގައި އެހީތެރިވެދިން ހުރިހާ ފަރާތްތަކަށް ޝުކުރު ދަންނަވާފައެވެ. މިގޮތުން ފުރަތަމަ ޝުކުރު ދެންނެވީ އަނބިކަބަލުން މަލާނިޔާ އަށާއި ދަރިކަނބަލުން އިވަންކާ އަދި ދަނބިދަރި ޖެރެޑް އަށެވެ. އަދި އެއަށްފަހު ދަރިކަލުން ބެރެން، ޑާން، ޓިފްނީ އަދި ލާރާ އަށެވެ.
ޓްރަންޕްގެ ވާހަކަފުޅުގައި އިތުރަށް ވިދާޅުވީ، އެމެރިކާގެ ބިންގަލަކީ އެކި ނަސްލުގެ މީހުން އެކުގައި އުޅުން ކަމަށާއި އަދި ހަމަނުޖެހުމަށް ދުވަހަކުވެސް ދަޢުވަތު ނުދޭ ކަމަށާއި އަދި ނުވެސް ދޭނެ ކަމަށެވެ. އަދި ކެޕަޓަލްއަށް ދިން ހަމަލާ ޓްރަންޕްގެ ވާހަކަފުޅުގައި ވަނީ ކުށްވެރި ކުރައްވާފައެވެ.
މިހަމަލާ ކުށްވެރި ކުރެއްވި ނަމަވެސް، ކެޕިޓަލްއަށް މިމަހުގެ 9 ވަނަ ދުވަހު ދިން ހަމަލާއަކީ ޓްރަންޕްގެ ޓްވީޓްތަކުން ހިތްވަރު ލިބިގެން ކުރެވުނު ކަމެއް ކަމަށް ބުނެ ޓްރަންޕް ވަނީ އެމެރިކާގެ ސެނެޓް އިން އިންޕީޗްކޮށްފައެވެ. އަދި ޓްވިޓަރ އަދި ފޭސްބުކް އިން ޓްރަންޕްވަނީ އުމުރު ދުވަހަށް ބޭރު ކޮށްލާފައެވެ.
މި ހާރު ތިޔަހުރީ ސައިޒުވެ ސޯޓު ބޭލި ހަމަ ބިމުގަ
މުސްލިމުންނަށް އަނިޔާ ވެރިވާ ވެރިން ﷲތައާލާ ދެދުނޔެއިން ގެއްލެނި ކުރައްވާ ނިކަމެތި ކުރައްވާނެ.
އިބުރަތް ހާސިލް ކުރާ މިީހަކަށް މީވެސް އިބުރަތެއް