ޓިކްޓޮކް އެކައުންޓުގެ ސަބަބުން މަޖިލީހުގެ މަސައްކަތްތަކުގެ މަޢުލޫމާތު ޒުވާނުންނަށް ލިބޭނެ: ނަޝީދު
ރައްޔިތުންގެ މަޖިލީހުގެ ޓިކްޓޮކް އެކައުންޓްގެ ސަބަބުން މަޖިލީހުގެ މަސައްކަތްތަކުގެ މަޢުލޫމާތު ޒުވާނުންނަށް ފަސޭހައިން ލިބޭނެ މަގުފަހިވެގެން ދާނެ ކަމަށް ކުރީގެ ރައީސް އަދި މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވެފައި ވަނީ ކުރެއްވި ޓްވީޓެއްގައެވެ. މަޖިލީހުގެ ރަސްމީ ޓިކްޓޮކް އެކައުންޓެއް ހުޅުވައި ބޭނުން ކުރަން ފަށާފައިވަނީ މި މަހުގެ 25 ވަނަ ދުވަހުއެވެ. އެ އެކައުންޓު އާންމުން ފޮލޯކުރުމަށް މަޖިލިހުން ކުރި ޓްވީޓެއްގައި ވަނީ އެދިފައެވެ.
ރައްޔިތުންގެ މަޖިލީހުގެ ޓިކްްޓޮކް އެކައުންޓުގައި މިވަގުތު ހިއްސާ ކޮށްފައިވަނީ އެންމެ ވީޑިއޯ އެކެވެ. އެއީ ނިމިދިޔަ 2020 ވަނަ އަހަރު ރައްޔިތުންގެ މަޖިލިސް ހުޅުވުމަށް ރައީސް އިބްރާހިމް މުޙައްމަދު ޞާލިޙު މަޖިލީހަށް ވަޑައިގެންނެވި ޖަލްސާގެ ކުރު ވީޑިއޯ ކޮޅެކެވެ.
މިކަމާ ގުޅޭގޮތުން ކުރެއްވި ޓުވީޓެއްގައި ކުރީގެ ރައީސް އަދި މަޖިލީހުގެ ރައީސް މުޙައްމަދު ނަޝީދު ވިދާޅުވީ، ޓިކްޓޮކް އެކައުންޓްގެ ސަބަބުން މަޖިލީހުގެ މަސައްކަތްތަކުގެ މަޢުލޫމާތު ޒުވާނުންނަށް ފަސޭހައިން ލިބޭނެ މަގުފަހިވެގެން ދާނެ ކަމަށެވެ. އަދި ރައްޔިތުންގެ މަޖިލީހުން ޓިކްޓޮކް އެކައުންޓެއް ހުޅުވުމުން އެކަމާ އުފާ ކުރައްވާ ކަމަށް ވަނީ ވިދާޅުވެފައެވެ.
މަޖްލީހުގަ ވާކަމަކީ ނުވާކަމަކީ ކޮބާ؟ ޓިކްޓޮކް ކުޅުން އެކަންވެސް ތިވީ
ރައްޔިތުންގެ މުދަލާއި ފައިސާ އަދި ދައުލަތުގެ މުއައްސަސާތައް ކަލޭމެން ނާޗަރިންގީ ކުޅެން ބޭނުމެއް ނުކުރެވޭނެ. ްަދިދިދިދިދިދިދިދިިިި
އަދި ތިކަންކަން ބެލޭނެ ދުވަސް އެބައޮތް