ރައީސް ވަހީދު އިތުރުފުޅު ހެއްދެވި ކަމަށް ބުނެ މަޖިލީހަށް ކުއްލި މައްސަލައެއް
ކުރީގެ ރައީސް މުހައްމަދު ވަހީދު ހަސަން މަނިކުގެ ދެކަނބަލުން އިއްޔެ ކަސްރަތަށް ނުކުމެ އުޅެނިކޮށް އެމްޑީޕީގެ އެކްޓިވިސްޓަކު އަނގަބަހުން ހަމަލާދިން ކަމަށް ބުނާ މައްސަލާގައި އޭނާ ދޮގު ހެދި ކަމަށް ބުނެ އެކަން ސަރުކާރުގެ ސަމާލުކަމަށް ގެނައުމަށް މަޖިލީހަށް ކުއްލި މައްސަލައެއް ހުށަހަޅައިފި އެވެ.
ރައީސް ވަހީދުއާއި އެމަނިކުފާނާއި އަނބިކަނބަލުން އިލްހާމަށް އިއްޔެ ހެނދުނު އެމްޑީޕީގެ އެކްޓިވިސްޓު ޖޯރޭ ވަނީ މަގުމަތިން ފުރައްސާރަ ކޮށްފައެވެ. އެމަނިކުފާނު ވިދާޅުވީ އެ ހުތުރު އަމަލަށް މާލޭގެ އުސްފަސްގަނޑު ސަރަހައްދުގައި ކަސްރަތު ކުރަން ތިބި މީހުން ހެކިވާނެ ކަމަށެވެ. އެ މަނިކުފާނު ފުރަތަމަ ކުރެއްވި ޓުވީޓުގައި ވިދާޅުވީ "ހަމަލާ ދިން" ކަމަށެވެ. ނަމަވެސް އެއީ ގަޔަށް އަތްލުން ކަމަށް ދޭހަވާ ޓުވީޓެއް ކަމަށް ވުމުން ގިނަ ބަޔަކު ދަނީ އެ މައްސަލައިގައި ވެސް ވަހީދަށް ފާޑުކިޔަމުންނެވެ.
މިކަމާ ގުޅިގެން އުނގޫފާރު ދާއިރާގެ އެމްޑީޕީގެ މެމްބަރު މުހައްމަދު ވަހީދުު (ވައްޑެ) މިއަދު ވަނީ މަޖިލީހަށް ކުއްލި މައްސަލައެއް ހުށަހަޅާފައެވެ. އެ މައްސަލާގައި ވަނީ ރައީސް ވަހީދާއި އާއްމު މީހަކާ ދެމެދު ހިނގި ދެބަސްވުމެއްގައި ވަހީދަށާއި އަނބިކަނބަލުންނަަށް ހަމަލާދިން ކަމަށް ވިދާޅުވުމަކީ "ދޮގު ބުހުތާނެއް" ކަމަށެވެ.
ވައްޑޭ ވިދާޅުވީ 7 ފެބްރުއަރީ 2012 ގައި ހިންގީ ކުރީގެ ރައީސް މުހައްމަދު ނަޝީދުގެ ވެރިކަން ވައްޓާލަން ހިންގި ބަގާވާތެއް ކަމަށާއި އެ ބަގާވާތައް ފަހުވެސް އެތައް ރައްޔިތުންނަކަށް ވޭނާއި އަނިޔާ ވަހީދު ދީފައިވާ ކަމަށެވެ. އަދި އިއްޔެވެސް އަނގަބަހުން މީހަކު ބުނި އެއްޗަކާ ގުޅިގެން ދޮގާ މަކަރު ހަދައި ބާރާއި ނުފޫޒުން ފުލުހަށް މައްސަލަ ހުށަހަޅާފައިވާ ކަމަށްވެސް ވައްޑޭ ވިދާޅުވި އެވެ.
"މިދިޔަ އިންތިހާބުގައި ވީ ވައުދެއް އެެއީ 2012 ވަނަ އަހަރުގެ ފެބްރުއަރީ ހަތް ވަނަ ދުވަހުން ފެށިގެން ރައްޔިތުންނަށް ލިބިފައި ހުރި ގިނަގުނަ އަނިޔާތައް ބަލައި އިންސާފު ގާއިމު ކޮށްދޭނަމޭ. އަޅުގަނޑު މި މައްސަލަ ލީ އެގޮތުން އަޅުގަނޑުމެން ވީ ވައުދެއް މީ،" މެމްބަރުވަހީދު ވިދާޅުވި އެވެ.
އެ ބަގާވާތައް ފަހުވެސް އެތައް ރައްޔިތުންނަކަށް ވޭނާއި އަނިޔާ ވަހީދު ދީފައިވާ ކަމަށެވެ. އަދި އިއްޔެވެސް އަނގަބަހުން މީހަކު ބުނި އެއްޗަކާ ގުޅިގެން ދޮގާ މަކަރު ހަދައި ބާރާއި ނުފޫޒުން ފުލުހަށް މައްސަލަ ހުށަހަޅާފައިވާ ކަމަށްވެސް ވައްޑޭ ވިދާޅުވި އެވެ.
