ރާއްޖޭގެ އުތުރުގެ ތިން އަތޮޅެއްގައި ހައި ސްޕީޑް ފެރީގެ ހިދުމަތް ދޭން އެމްޓީސީސީއާ ހަވާލުކޮށްފި
އުތުރު ތިން އަތޮޅެއްގައި ހައި ސްޕީޑް ފެރީގެ ހިދުމަތް ފެށުމަށް އެމްޓީސީސީއާ ހަވާލު ކޮށްފިއެވެ.
ހައި ސްޕީޑް ފެރީގެ ހިދުމަތް ފެށުމަށް އެމްޓީސީސީއާ ހަވާލުކޮށްފައި ވަނީ އުތުރުގެ ތިން ރަށަކަށެވެ. ފުރަތަމަ ފިޔަވަހީގައި ފެރީގެ ހިދުމަތް ދިނުމަށް ހަމަޖެހިފައި ވަނީ ތިލަދުންމަތީ އުތުރު ބުރި(ހއ)، ތިލަދުންމަތީ ދެކުނު ބުރި (ހދ) އަދި މިލަދުންމަޑުލު އުތުރު ބުރީގައި (ށ) ގައެވެ.
ޕްލޭނިން މިނިސްޓްރީން ބުނީ، އެ މިނިސްޓްރީ އާއި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮންޕެނީ (އެމް.ޓީ.ސީ.ސީ) އާ ދެމެދު އިންޓަރގްރޭޓަޑް ނޭޝަނަލް ޕަބްލިކް ފެރީ ނެޓްވޯރކްގެ ފުރަތަމަ ފިޔަވަހީގެ ސާވިސް އެގްރިމެންޓްގައި މިއަދު ސޮއި ކޮށްފައިވާ ކަމަށެވެ.
މި ފިޔަވަހީގައި ހއ، ހދ އަދި ށ އަތޮޅުގައި އެކަށީގެންވާ ހެޔޮ އަގެއްގައި، ޒަމާނީ ފެންވަރުގެ، ހައި ސްޕީޑް ފެރީގެ ޚިދުމަތް ނޮވެމްބަރ 2021 ގައި ފެށިގެންދާނެއެވެ. މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ ނޭޝަނަލް ޕްލޭނިންގ ޑިޕާޓްމަންޓްގެ ޑިރެކްޓަރ ޖެނެރަލް މުޙައްމަދު ޢިމާދެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޗީފް އޮޕަރޭޝަންސް އޮފިސަރ ޝާހިދު ޙުސެއިން މޫސާއެވެ.
Ads by STO
