އަތޮޅުތެރޭގެ ރަށްތައް ހިމެނޭހެން މީހުން ދިރިއުޅޭ ހުރިހާ ރަށެއްގައި މާސްކް އެޅުން މަޖުބޫރުކޮށްފި
މީހުން ދިރިއުޅޭ ހުރިހާ ރަށެއްގައި މާސްކް އެޅުން މަޖުބޫރު ކޮށްފިއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިފަދައިން އަންގާފައި މިވަނީ، ފަހަކަށް އައިސް މާލެ ސަރަޙައްދު (މާލެ،ވިލިމާލެ،ހުޅުމާލެ) ގެ އިތުރުން އަތޮޅު ތެރޭގެ ރަށްރަށުގައި ވެސް ހަލުވިކަމާއެކު ކޮވިޑް-19 ފެތުރެމުން ދިޔުމާ ގުޅިގެންނެވެ.
ރާއްޖޭގައި އަނެއްކާ ވެސް ހަލުވިކަމާއެކު ކޮވިޑް-19 ފެތުރެމުން ދިޔުމާ ގުޅިގެން، އެކަން ކޮންޓްރޯލް ކުރުމަށް ގިނަ ފިޔަވަޅުތަކެއް އެޅުމަށް އެޗްޕީއޭ އިން ވަނީ ނިންމާފައެވެ.
ބޭރުތެރޭގައި އުޅޭއިރު މީގެ ކުރިން މާސްކު އެޅުން މަޖުބޫރު ކޮށްފައި ވަނީ ހަމައެކަނި މާލެ ސަރަޙައްދުގެ އިތުރުން ކޮވިޑް ކޭސްތައް ފެނިފައިވާ ރަށްތަކުގައި އެކަންޏެވެ. ނަމަވެސް ފަހަކަށް އައިސް ރާއްޖޭގެ ގިނަ ރަށްރަށުގައި ވެސް މިބަލި ފެތުރެމުން ދިޔުމާ ގުޅިގެން މިހާރު އެޗްޕީއޭ އިން ނިންމާފައި ވަނީ މީހުން ދިރިއުޅޭ ހުރިހާ ރަށެއްގައި ވެސް ބޭރަށް ނުކުތުމުގެ ކުރިން މާސްކު އަޅައިގެން ނުކުތުމަށެވެ.
Ads by STO
