ތިނަދޫއިން ނެގި ހުރިހާ ރެންޑަމް ސާމްޕަލް ނައްސި
ތިނަދޫއިން ދެ މީހަކު ފައްސިވުމާ ގުޅިގެން ނެގި ހުރިހާ ރެންޑަމް ސާމްޕަލްތަކެއް ނައްސި ވެއްޖެއެވެ.
ތިނަދޫއިން ފައްސިވެފައި ވަނީ ހާއްސަ ހުއްދައިގެ ދަށުން މާލެއިން އެރަށަށް ދިޔަ ދެ މީހުންނެވެ. މި ދެމީހުން ފައްސިވުމާ ގުޅިގެން އެރަށް މިވަގުތު އޮތީ މޮނިޓަރިންގެ ހާލަތުގައެވެ.
ކޮންޓެކްޓް ޓްރެސިން ހަދައި ޑައިރެކްޓް ކޮންޓެކްޓުންގެ ގޮތުގައި 18 މީހެއްގެ ސާމްޕަލް ނަގާފައިވާއިރު މި ހުރިހާ އެންމެންގެ ސާމްޕަލް ވެސް ވަނީ ނައްސިވެފައެވެ.
ތިނަދޫ ކައުންސިލު ރައީސް އަލީ އަމްޖަދު "ދެން" އަށް މައުލޫމާތު ދެއްވަމުން ވިދާޅުވީ، ފައްސި ވެފައި ވަނީ މާލެއިން ޚާއްސަ ހުއްދައެއް ނަގައިގެން، ޖެންޑާއަށް ދިޔަ ދެމީހެއް ކަމަށެވެެ.
"ކޮވިޑްގެ އަލާމާތްތައް ފެނިފައި ވަނީ އެ ދެމީހުން ވެސް ތިނަދޫން ދިޔަ ފަހުން. މާލެއަށް ފުރާފައި ވަނީ މިމަހުގެ އެއްވަނަ ދުވަހު. މިކޮޅުގައި ޖެންޑާގައި އޮތް މައްސަލައެއް ތަހުގީގު ކުރަން ދުރުވި ބައެއް އެއީ" އަމްޖަދު ވިދާޅުވިއެވެ.
