ރަޝިޔާގެ ބަޔަކު ރާ ނެތުމުން، ސެނެޓައިޒަރ ބޮއެގެން މަރުވެއްޖެ!
ރަޝިޔާގެ އަވަށެއްގައި ޕާޓީ ކުރަމުން ދިޔަ ބަޔަކު ރާ ހުސްވުމުން ސެނެޓައިޒާ ގަނެ، އެ ބުއިމުގެ ސަބަބުން ހަތް މީހަކު މަރުވެއްޖެއެވެ.
ބޭރުގެ މީޑިއާތަކުން ރިޕޯޓުކޮށްފައިވާ ގޮތުގައި، އެޕާޓީން ސެނެޓައިޒާ ބުއި ހަތް މީހުންގެ ތެރެއިން ތިން މީހަކު ވަނީ ޕާޓީތެރޭގައި ވަގުތުން މަރުވެފައެވެ. އަދި އަނެއް ހަތަރު މީހުން މަރުވެފައި ވަނީ ހޮސްޕިޓަލަށް ގެންދެވުނު ފަހުން ކަމުގައި ވެސް ރިޕޯޓުތަކުން މައުލޫމާތު ލިބެއެވެ.
މިޕާޓީގައި އެމީހުން ބުއިމަށް ރާ ހުސްވުމުގެ ސަބަބުން ކައިރި ލޯކަލް މާރުކޭޓަކުން ހޭންޑް ސެނެޓްއިޒާ ފުޅިއެއް ވަނީ ގަނެފައެވެ. އަދި ސިއްހީ މާހިރުން ބުނީ އެ ސެނެޓައިޒާ ފުޅީގައި 69 އިންސައްތަ “މެތެނޮލް” އެކުލެވޭ ކަމަށާއި، އެ އަލްކަހޯލަކީ، އިންސާނުން ބުއިމަށް ހެޔޮ ވާނެ އަލްކަހޯލެއް ނޫން ކަމަށެވެ.
މި ހާދިސާއާ ގުޅިގެން ރަޝިޔާގެ އެ އަވަށުގެ ލޯކަލް މާރުކޭޓުތަކުން “މެތަނޮލް” އެކުލެވޭ ހޭންޑް ސެނެޓައިޒާ ވިއްކުން ވަނީ މަނާ ކޮށްފައެވެ. އަދި ޚާއްސަ ހުއްދައަކާއެކު ނޫނީ ހޭންޑް ސެނެޓައިޒާ ނުވިއްކާ ގޮތަށް ވަނީ ހަމަޖައްސައިފައެވެ.
2018 ވަނަ އަހަރު ސީބްރިއާގައި ވެސް މިފަދަ ހާދިސާއެއް ވަނީ ހިނގައިފައެވެ. އެގޮތުން ދިޔާ ސައިބޯނި ބުއިމުގެ ސަބަބުން އެގައުމުން 78 މީހުން ވަނީ މަރުވެފައެވެ. މީގެއިތުރުން ނިމިދިޔަ 2020 ވަނަ އަހަރުގެ ޖުލައި މަހުގައި އިންޑިއާއިން ވެސް ވަނީ ސެނެޓައިޒާ ބޮއެގެން ދިހަ މީހުން މަރުވެފައެވެ.
