މަގު ހުރަސްކުރި މީހެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގައިފި
މާލޭގައި މަގު ހުރަސް ކޮށްފައި ދިޔަ މީހެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގައިފިއެވެ.
މަންޒަރު ދުށް ފަރާތަކުން "ދެން" އަށް މައުލޫމާތު ދެމުން ބުނި ގޮތުގައި މި އެކްސިޑެންޓު ހިނގާފައިވަނީ ޗާނދަނީ މަގު އަޝްރަފީ ބުކްޝޮޕް ކައިރިންނެވެ. އަދި ހިނގާފައި ދިޔަ މީހާގެ ފަޔަށް އަނިޔާ ވެފައިވާ ކަމަށާއި އޭނާ މިހާރު އިތުރު ފަރުވާއަށް ހޮސްޕިޓަލަށް ގެންގޮސްފައިވާ ކަމަށް އޭނާ މައުލޫމާތު ދިނެވެ.
ފުލުހުން ވިދާޅުވީ ޗާންދަނީމަގުގައި މަގު ހުރަސްކުރަން އުޅުނު 34 އަހަރުގެ މީހެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގި ކަމުގެ ރިޕޯޓު މިއަދު 11:51 ހާއިރު ލިބިފައިވާ ކަމަށެވެ.
މި އެކްސިޑެންޓު ހިނގިއިރު ސައިކަލު ދުއްވަން އިނީ 18 އަހަރުގެ ޒުވާން ފިރިހެނެކެވެ.އޭނާ އަތުގައި ލައިސަންސް އޮތެވެ.
އަނިޔާ ލިބުނު މީހާ މިހާރު އައިޖީއެމްއެޗަށް ގެންގޮސްފައިވާ ކަމަށާއި އިތުރަށް ބަލަން ޖެހޭ ކަންކަން ފުލުހުން ބަލަމުން އަންނަ ކަމުގައި ވެސް ފުލުހުން ވިދާޅުވިއެވެ.
ލައިސެންސް އޮތީމަ ނިމުނީ
ލައިސަންސް އޮތީމަ ވެސް ނެތެއްނު ސަލާމަތެއް ކައެ މެންނަށް !