ތިނަދޫ 16 ނަމްބަރު ގާޑިޔަލުން ހިދުމަތް ހޯދި ފަރާތްތައް އެކަހެރިވާން އަންގައިފި
ގދ.ތިނަދޫ ބަނދަރު ސަރަހައްދުގައިވާ 16 ނަންބަރު ގާޑިޔަލުން ޚިދުމަތް ހޯދި ފަރާތްތައް އެކަހެރިވާން، އަންގައިފިއެވެ.
ޑރ.އަބްދުއްސަމަދު މެމޯރިއަލް ހޮސްޕިޓަލުން ބުނީ ގދ.ތިނަދޫން ރެންޑަމް ސާމްޕަލްއެއް ކޮވިޑް-19އަށް ފައްސި ވުމާ ގުޅިގެން، 04 ފެބްރުވަރީ 2021 އިން ފެށިގެން ތިނަދޫ ބަނދަރު ސަރަހައްދުގައިވާ 16 ނަންބަރު ގާޑިއާ އިން ޚިދުމަތް ހޯއްދަވާފައިވާ ފަރާތްތަކުން ރޫމް އައިސޮލޭޓް ވުމަށް ފަހު ، ހޮސްޕިޓަލުގައި ގާއިމް ކުރެވިފައިވާ ކޮވިޑް-19 ހޮޓްލައިން 7934641 ގުޅުއްވާ މައުލޫމާތު ހިއްސާ ކުރެއްވުމަށް އަންގާ ކަމަށެވެ.
ކޮވިޑް-19 ވައިރަސް ފެތުރިފައިވާ މިންވަރު ދެނެގަތުމަށްޓަކައި 07 ފެބްރުވަރީ 2021 ގައި ނެގުނު ރެންޑަމް ސާމްޕަލްއެއް ކޮވިޑް-19 އަށް ފައްސިވެފައި ވަނީ މިއަދުއެވެ.މިއާއެކު ފައްސިވި މީހާގެ ކޮންޓެކްޓް ޓްރޭސިންގެ މަސައްކަތް މިހާރު ފަށާފައި ވާ ކަމަށް ވެސް އެ ހޮސްޕިޓަލުން ބުނެއެވެ.
މީގެ ކުރިން އައްޑޫން ތިނަދުއަށް ދިޔަ މީހަކު ކޮވިޑް-19 އަށް ފައްސިވުމާ ގުޅިގެން އެ ރަށް ވަނީ މޮނިޓަރިން އަށް ލެވިފައެވެ. ތިނަދޫ މޮނީޓަރިން އަށް ލާފައި ވަނީ ބަލި އޮތްތޯ ބަލައި، ކޮންޓެކްޓް ޓްރޭސިން ހެދުމަށެވެ. މި ހާލަތުގައި އެރަށަށް އަރައި ފޭބުން މަނާ ވާނެއެވެ.
Ads by STO
