ކުޑަކުއްޖަކާމެދު ބަދުއަޚްލަަގީ ޢަމަލު ހިންގާ، ފިލައިގެން އުޅޭ ބަންގްލަދޭޝް ރައްޔިތަކު ހޯދަނީ

އުމުރުން 18 އަހަރު ނުފުރޭ ކުޑަކުއްޖަކާމެދު ބަދު އަޚްލާގީ ޢަމަލު ހިންގި ބަންގްލަދޭޝްގެ ރައްޔިތަކު ހޯދަން ފުލުހުން އިއުލާނު ކޮށްފިއެވެ.

Ads by Hajj Corporation

މިމައްސަލައިގައި ފުލުހުން ހޯދަމުންދަނީ އެމްޑީ އިދުރީސް (33އ.)، ޕާސްޕޯޓު ނަންބަރ ސީ 1497280 އެވެ.

ފުލުހުން ވިދާޅުވެފައިވަނީ މިމީހާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައި ނުވާތީއާއި ސްޕޮންސަރ އަށްވެސް ފިލައިގެން އުޅޭ މީހަކަށް ވާތީ އުޅޭ ވަކި ތަނެއް އެނގިފައިނުވުމުން، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ޤަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް އަންގައި އިއުލާނުކުރާ ކަމަށެވެ.

މިމައްސަލައިގައި އެމްޑީ އިދުރީސް ހާޒިރު ވާން ޖެހެނީ 2020 ޖުލައި 02 ވަނަ ދުވަހުގެ 14:00 އަށް، ސ. ހިތަދޫ ޕޮލިސް ސްޓޭޝަނަށެވެ.