ފިޓްފާޒިލް ފޭސްބުކްއިން ގެއްލިއްޖެ
ފިޓްނަސް އިންސްޓްރަކްޓަރ އިސްމާއިލް ފާޒިލް (ފިޓް ފާޒިލް)ގެ ފޭސްބުކް އެކައުންޓް މިރޭ ގެއްލިއްޖެއެވެ. ފޭސްބުކުން އޭނާ ގެއްލުނު ނަމަވެސް އިންސްޓަގްރާމް އެކައުންޓު އަދިވެސް އަންނަނީ ބޭނުން ކުރަމުންނެވެ.
ފާޒިލް އޭނާގެ ފޭސްބުކު އެކައުންޓު ޑީއެކްޓިވޭޓު ކޮށްފައިމިވަނި އޭނާގެ އިންސްޓަގްރާމް ކުރިއަށް ގެންދިޔަ ގިވްއަވޭ އެއްގައި މަކަރު ހަދައި ބޮޑު އޮޅުވާލުންތަކެއް އޮޅުވާލި ކަމުގެ ތުހުމަތުކޮށްފައިވަނިކޮށެވެ. މުޅި މީސް މީޑިއާ ގައި އަންނަނީ ފާޒިލް އަށާއި އޭނާގެ ގިވްއަވޭ ކާމިޔާބުކުރި ކަމަށް ބުނާ ޝަރުމީލާ އަށް ތަފާތު އެކި އެކި މީމް ތައް ހަދާ ދައުރުވަމުންނެވެ.
ފާޒިލް ގެ ގިވްއަވޭ ގައި މަކަރުހެދި ކަމަށް ފުރަތަމަ ތުހުމަތުކުރެވުނު ނަމަވެސް މި މައްސަލަ އިތުރަށް ހޫނުވެގެން ގޮސްފައިވަނީ މޫނު ބުރުގާ ކަހަލަ އެއްޗެއް އަޅައިގެން އިން މީހަކު އެއީ ޝަރުމީލާ ކަމަށް ބުނެ އޭނާ އަށް ގިވްއަވޭ ގެ ހަދިޔާ ދިން ފޮޓޯ އާއި ވީޑިއޯ ފާޒިލް ހިއްސާކުރުމުންނެވެ.
އެއާއެކު ގިވްއަވޭ ގެ ގިނަ ބައިވެރިންނާއި ފޭނުން ވަނީ އިތުރަށް ނުރުހުން ފާޅުކޮށްފައެވެ. އަދި އެއީ ޝަރުމީލާ ނޫން ކަމަށް ބުނާ އެތަކެއް ވާހަކަތަކެއް ވެސް ފެތުރިއެވެ.
އެގޮތުން ޝަރުމީލާ ކަމަށް ބުނާ މީހާ އެހާ އަގުބޮޑު ހަދިޔާތަކެއް ބަލާދިޔައިރު މޫނު ބުރުގާ އިސްތިރިނުކޮށް ހުރީ ކީއްވެތޯ ގިނަ ބަޔަކު ވަނީ ސުވާލު އުފައްދާފައެވެ. ހަމައެހެންމެ ޝަރުމީލާ ކަމަށް ބުނާ މީހާ މޫނު ބުރުގާ އަޅާފައި ހުރިއިރު ބުމަ ދައްކާފައިހުރީ ކީއްވެތޯ އާއި އިށީނދެ އިން އިރު ފާޒިލް އެހާ ގާތުގައި އިނީ ކީއްވެތޯ ވެސް ގިނަ ބަޔަކު ވަނީ ސުވާލުކޮށްފައެވެ.
މީގެ އިތުރުން ފާޒިލް އާންމުކުރި ފޮޓޯގައިވާ ބެކްގްރައުންޑަކީ ފާޒިލް ގެ ރަހުމްތްތެރިއެއް ކަމަށްވާ "ފާތިނާ" ގެ ގޭގެ ފާރު ކަމަށް ބުނެވެސް ގިނަ ފޮޓޯ ތަކެއް ދައުރުވިއެވެ.
އަދި މި ހުރިހާ ވާހަކައެއްގެ ތެރެއަށް މަޝްހޫރު ފެޝަން ޑިޒައިނާ ސޭންޑީ ވައްދައި ޝަރުމީލާ އަކީ ސޭންޑީ ކަމުގައި ވެސް ގިނަ ބަޔަކު ވަނީ ބުނެފައެވެ. ނަމަވެސް ސޭންޑީ ވަނީ މި ވާހަކަ ދޮގުކޮށްފައެވެ.
ފާޒިލް ގެ ގިވްއަވޭ ގެ ނަސީބުވެރިޔާ އާ ގުޅިގެން އެތައް ހާސް ސުވާލެއް ދިވެހިންގެ ހިތްތަކުގައި ވާއިރު މިއިން އެއްވެސް ސުވާލަކަށް ޖަވާބުދާރީ ވުމެއްނެތި ފާޒިލް 'ފިލުމަކީ' ވަރަށް ވެސް ދެރަކަމެކެވެ.
ކޮންމެހެނަކަސް މިފަދަ ކަމެއް ފާޒިލް ކުރިނަމަ މިއީ ވަރަށް ވެސް ހިތާމަހުރި ކަމެކެވެ.
