މަގުމަތިން ހޮވި ފައިސާތަކެއްގެ ވެރިފަރާތް ހޯދަނީ
މާލޭގެ ޖަނަވަރީ މަގުން ހޮވި ފައިސާތަކެއްގެ ވެރިފަރާތް ހޯދަން ފުލުހުން އިއުލާން ކޮށްފިއެވެ.
Ads by Sosun Fihaara
ފުލުހުން ބުނީ މާލެ ޖަނަވަރީމަގު ވިނޯލިޔާ ކައިރިން އާންމު ފަރާތަކުން ހޮވި ފައިސާތައް ހަވާލުކޮށްފައި ވަނީ މި މަހުގެ 21 ވަނަ ދުވަހު ކަމަށެވެ.
އެހެންކަމުން ފައިސާތަކުގެ ވެރިފަރާތުން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅުވައި، އިންސިޑެންޓް ނަންބަރު 458619 ވިދާޅުވެ، ކާކުކަން އެނގޭނެ ލިޔުމަކާއެކު ޝަހީދު ހުސައިން އާދަމް ބިލްޑިންގަށް ހާޒިރުވެ ފައިސާތަކާ ހަވާލުވުމަށް އެދޭކަމަށެވެ.
ޖަނަވަރީ މަގުން ހޮވާފައިވާ ފައިސާގެ އަދަދާއި ގުޅޭގޮތުން ސީއެންއެމް އިން ސުވާލުކުރުމުން ފައިސާގެ އަދަދު ފުލުހުން ހާމަކޮށްފައެއް ނުވެ އެވެ.
Ads by Ooredoo
