"ދައުރު ދެބައިވި އިރުވެސް ރައީސް ސޯލިހު ފެންނަނީ، ރައީސް ޔާމީންގެ ކާމިޔާބުގެ މޯހިރުން ނުނެއްޓި ކޮށިއަރާމަންޒަރު"
ވެރިކަމުގެ ދައުރު ދެބައިވި އިރުވެސް ރައީސް އިބްރާހިމް މުހައްމަދު ސޯލިހު ފެންނަނީ، ރައީސް އަބްދުﷲ ޔާމީންގެ ކާމިޔާބުގެ މޯހިރުން ނުނެއްޓި ކޮށިއަރާމަންޒަރު ކަމަށް މާވަށު ދާއިރާގެ މެމްބަރު އަދި ޕީއެންސީގެ ނައިބް ރައީސް މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވީ ޔާމީންގެ ސަރުކާރުން ހުޅުމާލޭގެ ދެވަނަ ފިޔަވަހީގައި ހިޔާ މަޝްރޫއުގެ ދަށުން އިމާރާތްކޮށްފައިވާ 7،000 ފްލެޓާ ގުޅޭ ގޮތުން ރައީސް ސޯލިހު ފާޑުވިދާޅުވެފައިވާ ދަނޑިވަޅެއްގައެވެ.
އެގޮތުން ސައީދު ކުރެއްވި ޓްވީޓެއްގައި ވިދާޅުވީ ސަރުކާރާއި މަޖިލީހާއި، މުޅި ދައުލަތް ލިބި، ޤައުމުގެ ރިޒާވްހުސްވެ، ދައުރު ދެބައިވިއިރުވެސް ރައީސް ސޯލިހު ފެންނަނީ، ރައީސް ޔާމީންގެ ކާމިޔާބުގެ މޮއެހިރުން ނުނެއްޓި ކޮށިއަރާމަންޒަރު ކަމަށެވެ.
ސަރުކާރާއި މަޖިލީހާއި،މުޅިދައުލަތްލިބި، ޤައުމުގެ ރިޒާވްހުސްެވެ، ދައުރުދެބައިވިއިރުވެސް،ރ.ޞާލިޙް މިފެންނަނީ، (2013-2018)ގެ ކާމިޔާބުގެ މޮއެހިރުން ނުނެއްޓި ކޮށިއަރާމަންޒަރު. pic.twitter.com/VsFJIEtBfW
— Mohamed Saeed (@em_saeed) June 25, 2020
ފްލެޓްތަކުގެ ކޮޓަރިތައް ކުދި ކަމަށް ބުނެ ހިޔާ މަޝްރޫއަށް ސަރުކާރުން ދަނީ އެކި ގޮތްތޮތަށް ފާޑުކިޔަމުންނެވެ.
އެގޮތުން ރައީސް އިބްރާހިމް މުހައްމަދު ސޯލިހު ވަނީ އެ ފްލެޓްތައް ބޭރުން ފޮޓޯ ނަގަން ރަނގަޅު ކަމަށާއި ނަމަވެސް އެއީ މީހުން އުޅެން ކަމުދާ ތަނެއް ނޫން ކަމަށް ވިދާޅުވެފައެވެ.
އަދި ފްލެޓްތައް އާންމުންނަށް ދިނުމަށް ހަމަޖެހިފައިވަނީ މުށި ނުޖަހާ ދޮރުތައްވެސް ހަރުނުކޮށް ކަމަށާއި އެއީ މަޝްރޫއުގެ އަގުގައި ނުހިމެނޭ ގޮތަށް ވަކިން ކުރަންޖެހޭ ކަމަަކަށްވާއިރު އެކަން ބަދަލު ކުރުމަށް މި ސަރުކާރުން މަސައްކަތް ކުރި ކަމަށްވެސް ރައީސް ވިދާޅުވިއެވެ. ނަމަވެސް މިހާރު ނިންމާފައިވަނީ އެ ހުރި ގޮތަށް އޭގެ ހައްގުވެރިންނަށް ފްލެޓްތައް ދިނުން ކަމަށް ރައީސް ވަނީ ވިދާޅުވެފައެވެ.
