ހައްޔަރުކޮށްފާނެކަމުގެ ބިރަށް، އެއް ލައްކަ ޑޮލަރުގެ ރަން ފްލައިޓްގެ ފާހާނާ ތެރެއަށް ދޫކޮށްލައިފި
ދުބާއީން އިންޑިއާއަށް ދަތުރުކުރި މީހަކު، ހައްޔަރުކޮށްފާނެ ކަމުގެ ބިރަށް އޭނާ ގެންގުޅުނު ގިނަ އަދަދެއްގެ ރަން ފްލައިޓުގެ ފާހާނާ ތެރެއަށް ދޫކޮށްލައިފިއެވެ.
ރިޕޯޓުތައް ބުނާ ގޮތުގައި ކަސްޓަމްސްއިން ހޯދި މި ރަނުގެ އަގު އެއް ލައްކަ އެމެރިކާ ޑޮލަރަށް ވުރެ ގިނަ ވާނެއެވެ. މި މަހުގެ 5 ވަނަ ދުވަހު ހިނގި މި ހާދިސާގައި މި މީހާ ފްލައިޓުން ފޭބުމާއެކު އޭނާ ވަނީ ހައްޔަރު ކޮށްފައެވެ.
ބައެއް ފަރާތްތަކުން ބުނާ ގޮތުގައި ފްލައިޓު ފާހާނާ ތެރޭގައި އޭނާ އެ ބަހައްޓާފައި ދިޔައީ ހައްޔަރު ކޮށްފާނެ ކަމުގެ ބިރަށް ކަމަށާއި އޭނާ ފާހާނާގައި ރަންތައް ބަހައްޓާފައި ދިޔައީ ފްލައިޓުގައި މަސައްކަތް ކުރާ އޭނާ ރައްޓެއްސެއްގެ އެހީތެރިކަމާއެކު އެ ނެގުމަށް ކަމަށް ވެސް ފުލުހުން ކުރި ތަހުގީގުން އިތުރަށް ހާމަވިއެވެ.
މި މަހުގެ 7 ވަނަ ދުވަހު ވެސް ފުރަގަސް ފަރާތުގައި ރައްކާކޮށްގެން ރަން އެތެރެ ކުރަން އުޅުނު މީހަކު ވެސް އިންޑިއާ ފުލުހުން ހައްުޔަރު ކޮށްފައި ވެއެވެ.
Ads by STO
