ބައެއް ތަދުތަކަށް ގޭގައި ދެވިދާނެ ދެވިދާނެ ފަރުވާ
ތަނަކަށް ރިއްސާލާއިރަށް ޑޮކްޓަރަށް ދައްކަން ދިއުމަކީ ދިވެހިންގެ އާދައެއް ނޫނެވެ. ގިނަ ފަހަރަށް ޑޮކްޓަރަށް ދެއްކުމެއްނެތި ކޮންމެވެސް ބޭހެއް ކާލެވެނީއެވެ. ނަމަވެސް ޑޮކްޓަރެއްގެ އިރުޝާދެއް ނެތި ބޭސް ކެއުމަކީ ވެސް ރަނގަޅު ކަމެއް ނޫނެވެ.
އެހެން ކަމުން މި ހިމަނާލަނީ ގޭގައި އާންމުކޮށް ހުންނަ އެއްޗެހި ބޭނުން ކޮށްގެން ބައެއް ތަދުތަކަށް ދެވިދާނެ ފަރުވާތަކެވެ.
ރީނދޫ
ރީނދުލުގައި “އެންޓި އިންފްލެމެޓޯރީ ޕްރޮޕަޓީސް” ހިމެނެ އެވެ. ކިރުތައްޓަކަށް ރީދޫ ސަމުސަލެއް އަޅާ ގިރާލައިގެން ބޯލުން ރަނގަޅެވެ. ހުޅު ހުޅަށް ވާ ތަދާއި މަސް ގަނޑަށް ވާ ތަދަށް އަދި ދުޅަވުމުން ވާ ތަދަށް މިއީ ލުޔެއް ގެނުވާނެ ބުއިމެކެވެ.
އިނގުރު
އާތުރައިޓިސް، ބަނޑުގައި ރިއްސުން، މެއަށް ތަދުވުން، މައްސަރު ކަންތަކުގައި ތަދުވާ ނަމަ މިއީ ރަނގަޅު ހައްލެކެވެ. މިކަންކަމުގައި ތަދުވަނީ ނަމަ އިނގުރު ޗިސްކޮށްލުމަށްފަހު ތުނި ފޮތިކޮޅަކަށް ލާ، ތަދުވާ ސަރަހައްދެއްގައި ބޮނޑިތާން ކޮށްލުމުން ތަދަށް ލުޔެއް ލިބޭ ކަމަށް ބުނެ އެވެ. އިނގުރުގައިވެސް “އެންޓި އިންފްލެމެޓޯރީ ޕްރޮޕަޓީސް” ހިމެނެ އެވެ.
ރަތް މޭބިސްކަދުރު
ރަތް މޭބިސްކަދުރުގައި “ރެސްވަރަޓްރޯލް” ނަމަކަށް ކިޔާ “އެންޓި އޮކްސިޑެންޓް ކޮމްޕައުންޑް” އެއް ހިމެނެ އެވެ. މި ކޮމްޕައުންޑަކީ ބުރައްކަށް ތަދުވުމާއި ހުޅު ހުޅަށް ތަދުވުމަށް ފަރުވާ އެކެވެ. އެހެންކަމުން ތަދަށް ލުޔެއް ހޯދުމަށް ދެތިން މޭބިސްކަދުރު ކާލުން މިވެސް ގޮތެކެވެ.
ޕެޕަރ މިންޓް
ރަށްފުށުގައި ނަމަ މިއީ ތަދު އެއްޗަކަށް ވެދާނެ އެވެ. އެހެން ނަމަވެސް “ދަ ގްރޭޓަރ މާލޭ ރީޖަން” އިން މިއީ މިހާރު އާންމުކޮށްލ ލިބެން ހުންނަ އެއްޗެކެވެ. ޕެޕަރމިންޓްގައި “ތެރަޕިއުޓިކް ޕްރޮޕަޓީސް” ނަމަކަށް ކިޔާ މާއްދާއެއް އެކުލެވެ އެވެ. ދަތުގައި ރިހުމާއި، ބޮލަށް ތަދުވުމަށް މިއީ ރަނގަޅު ހައްލެކެވެ.
ލޮނު
މޭޒުމަތީ ސަމުސަލުގެ 10 ނުވަތަ 15 ސަމުސާ ލޮނު، ފެން ބާލިދީއެއްގެ ތެރެއަށް ގިރާލުމަށްފަހު އެ ފެނުން ފެންވެރުމުން ހަށިގަނޑުގެ ސެލްތައް ޑީހައިޑްރޭޓް ކޮށްދެ އެވެ. އޭގެ ސަބަބުން ތަދުތައް ކަނޑުވައިދެ އެވެ.
ޕްލެއިން ޔޯގަޓް
ބަނޑުގައި ގޭސް އުފެދިގެން ބަނޑަށް ތަދުވާނަމަ މިއީ ރަނގަޅު ހައްލެއް ކަމުގައި ބުނެތެވެ. ޕްލޭން ޔޯގަޓް ތައްޓެއް ކާލުމުން ބަނޑުގައި ގޭސް ނުވަތަ ވައި އުފެދިގެން ތަދުވާ ތަދުތަކަށް ލުޔެއް ލިއްބައިދެ އެވެ.
ކުޅި ރޯ މިރުސް
ރަތްކަން ގަދަ ކުޅި މިރުހުގައި “ކެޕްސައިސިން” ނަމަކަށް ކިޔާ މާއްދާއެއް އެކުލެވެ އެވެ. މި މާއްދާއަކީ ތަދުވާ ތަންތާނގައި އުނގުޅާ ބޭސްބޭހުގައިވެސް ބޭނުންކުރާ މާއްދާއެކެވެ. ސޫޕެއް ބޯލާއިރު ކުޅިގަދަ މިރުހެއް ބޭނުންކޮށްލުމުން ތަދައް ލުޔެއް ލިބެ އެވެ.
ކޮފީ
ބޮލުގެ ރިހުމާއި، މަސްތަކަށް ތަދުވުމަށް ކޮފީއަކީ ހައްލެކެވެ. އެއީ ކޮފީގައި އެކުލެވޭ ކެފެއިންގެ ސަބަބުން ތަދަށް ފަސޭހަކަން ގެނުވާތީ އެވެ.
