ސަފާރީއެއްގެ ތެރޭ އަންހެނަކު ރޭޕް ކުރިކަމަށް ތުހުމަތު ކުރެވުނު މީހުން ދޫކޮށްލައިފި

ހުޅުމާލޭގައި އަޅާފައިއޮތް ސަފާރީއެއްގެ ތެރޭގައި އަންހެނަކު ރޭޕް ކުރިކަމުގެ ތުހުމަތުކޮށް ހައްޔަރު ކުރި މީހުން ދޫކޮށްލައިފިއެވެ.

Ads by Sosun Fihaara

ބިދޭސީ އަންހެނަކު ރޭޕް ކުރިކަމުގެ ތުހުމަތުގައި އިއްޔެ އެސަފާރީން ހައްޔަރު ކޮށްފައިވަނީ އުމުރުން 39 އަހަރުގެ ދެ ފިރިހެނުންނެވެ.

އެދެމީހުން ވެސް ދޫކޮށްލީ އެމައްސަލައިގެ ތަހުގީގަށް އެމީހުން ހައްޔަރުކޮށް އިތުރަށް ބެހެއްޓޭނެ އެކަށީގެންވާ ސަބަބެއް ނެތުމުން ކަމަށް ފުލުހުން ވަނީ ވިދާޅުވެފައެެވެ.

ސަފާރީއެއްގައި ބިދޭސީ އަންހެނަކު ރޭޕް ކުރި ކަމަށް ރިޕޮޓު ކޮށްފައިވަނީ މިދިޔަ ބުރާސްފަތި ދުވަހުގެ ހަވީރު 17:00 ގައެވެ.

ފުލުހުން ވިދާޅުވެފައިވަނީ، މިމައްސަލައިގެ ތުހުމަތުގައި ހައްޔަރު ކުރެވުނު މީހުން ދޫކޮށްލާފައިވީ ނަމަވެސް، މިމައްސަލަ އަދިވެސް ތަހުގީގު ކުރެވެމުންދާ ކަމަށެވެ.