ކާށިތެލުން ދަތްޕިލައަށް "ސަޅި" ފަރުވާއެއް!
ދަތްޕިލައިގެ އެކި މައްސަލަތައް ދިމާވާ މީހުން މަދެއް ނޫނެވެ. ހިރުގަނޑުން ލޭއައުމާއި، ހިރުގަނޑު ދުޅަވުމުގެ އިތުރުން، ދަތްޕިލާގައި ކޮބަޑި ޖެހުން ހިމެނެއެވެ، އެހެންނަމަވެސް ކާށިތެލުން މި ހުރިހާ ކަމަކަށް ވެސް ހައްލު ހޯދައިދެއެވެ. މިއީ ގިނަ ބަޔަކަށް ނޭނގިފައި ވާ ކަމެކެވެ. ކާށި ތެލަކީ ދިވެހިންގެ ދިވެހިވަންތަކަން ދައްކުވައިދޭ އެއްްޗެއްގެ އިތުރުން ރާއްޖެއިން ވަރަށް ފަސޭހައިން ލިބިދާނެ އެއްޗެކެވެ.
އެގޮތުން ކާށިތެޔޮ ބޭނުންކޮށްގެން މިކަމަށް ފަރުވާ ހޯދުމަށް ދެ ސައިސަމުސަލުގެ ކާށިތެޔޮ އަނގަ ތެރެއަށް އެޅުމަށްފަހު 10 ނުވަތަ 20 މިނިޓް ވަންދެން ކޮންމެ ދުވަހަކުވެސް އަނގައިގައި ބެހެއްޓުމަށް ފަހު ސާފު ފެނުން ކޯދޮވެލާށެވެ. ތެޔޮފޮދު އަނގަތެރޭގައި ގެންގުޅޭއިރު ދަތްޕިލައިގެ އެކިއެކި ހިސާބުތަކަށް ވާސިލުވާ ގޮތަށް އަނގަހަލުވާ ހަދަން ވާނެއެވެ.
މިގޮތަށް ހެދުމުން ދަތްފަނި ކެއުމުންނާއި، ހިރުގަނޑުން ލޭއައުމުން ސަލާމަތްވެ، އަދި ދަތްތަކުގެ ގުދުރަތީ އޮފްދާރު ރީތިކުލަ ގެނެސްދޭނެއެވެ.
އޭގެ އިތުރުން ހިރުގަނޑުގެ މަސްލުތައް ވަރުގަދަވެ، އަނގަތެރެ ސާފުވެ، ނުރައްކާތެރި ބެކްޓީރިއާތައް މަރު ވެގެންދާނެއެވެ. އަދި ބަރުދަން ލުއިވުމަށް ވެސް މިއީ ދެވޭ ސަޕޯޓެކެވެ.
މި ލިޔުމުން ކަން ކުރަންވީ ގޮތް އެންމެ ރަނގަޅަށް ސާފުނުވާނަމަ ތިރީގައި އެވާ ވިޑިއޯއިން ކަންކުރަންވީ ގޮތް އެނގި ސާފުވެދާނެއެވެ،
